'അനുമതി തേടിയവരെ ഒന്നിച്ചു ക്ഷണിച്ചു; ചിലർ വാർത്താസമ്മേളനമായി തെറ്റിദ്ധരിച്ചു'; മാധ്യമ വിലക്കിൽ ഗവർണറുടെ മറുപടി
- Published by:Jayesh Krishnan
- news18-malayalam
Last Updated:
കൈരളി, ജയ്ഹിന്ദ്, മീഡിയ വണ്, റിപ്പോര്ട്ടര് എന്നീ ചാനലുകൾക്കാണ് ഗവര്ണര് വാര്ത്താ സമ്മേളനത്തിൽ അനുമതി ലഭിക്കാഞ്ഞത്.
തിരുവനന്തപുരം: മാധ്യമ വിലക്ക് ആരോപണത്തിൽ വിശദീകരണവുമായി ഗവർണർ ആരിഫ് മുഹമ്മദ് ഖാന്.തിങ്കളാഴ്ച രാജ്ഭവനിലെ മാധ്യമസമ്പർക്കത്തിൽ ഒരു മാധ്യമത്തേയും വിലക്കിയിട്ടില്ലെന്ന് ഗവർണർആരിഫ് മുഹമ്മദ് ഖാൻ വ്യക്തമാക്കി. ട്വിറ്ററിലൂടെയായിരുന്നു അദ്ദേഹത്തിന്റെ വിശദീകരണം. അഭിമുഖത്തിന് അനുമതി ചോദിച്ച മാധ്യമങ്ങളെ ഒന്നിച്ചു ക്ഷണിച്ചത് വാര്ത്തസമ്മേളനമായി തെറ്റിദ്ധരിച്ചതാണെന്ന് ഗവര്ണർ ട്വീറ്റ് ചെയ്തു.
രാജ്ഭവനിലെ മാധ്യമസമ്പർക്കത്തിൽ ഒരു വിഭാഗം മാധ്യമങ്ങളെ പങ്കെടുപ്പിക്കാത്തതിനെതിരെ വ്യാപക വിമർശനം ഉയര്ന്നിരുന്നു. രാജ്ഭവനിലെ കൂടിക്കാഴ്ചയിൽ എല്ലാ മാധ്യമങ്ങൾക്കും പ്രവേശനം അനുവദിച്ചില്ല. കൈരളി, ജയ്ഹിന്ദ്, മീഡിയ വണ്, റിപ്പോര്ട്ടര് എന്നീ ചാനലുകൾക്കാണ് ഗവര്ണര് നടത്തിയ മാധ്യമസമ്പർക്കത്തിൽ അനുമതി ലഭിക്കാഞ്ഞത്.
#KeralaRajBhavan had not "barred any channel from Press Meet" as some reports allege.Mediapersons who requested for interview on 24 Oct were invited at a common time, due to paucity of time. This interaction was misunderstood by some as "Press conference":PRO, KeralaRajBhavan
— Kerala Governor (@KeralaGovernor) October 25, 2022
advertisement
സുപ്രീംകോടതി വിധിയുടെ അടിസ്ഥാനത്തിൽ സംസ്ഥാനത്തെ ഒൻപത് സർവകലാശാല വൈസ് ചാൻസലർമാരോട് ഗവർണർ രാജി ആവശ്യപ്പെട്ടിരുന്നു. ഈ വിഷയത്തിൽ ഇന്നലെ പ്രതികരണം ആരാഞ്ഞപ്പോൾ 'മാധ്യമപ്രവർത്തകരോട് സംസാരിക്കാമെന്നും എന്നാൽ പാർട്ടി കേഡർമാരോട് സംസാരിക്കാനില്ലെന്നായിരുന്നു' ഗവർണര് പ്രതികരിച്ചത്.
'എന്നോട് സംസാരിക്കാൻ ആഗ്രഹിക്കുന്നവർക്ക് രാജ്ഭവനിലേക്ക് അഭ്യർത്ഥന അയയ്ക്കാം. നിങ്ങളോട് സംസാരിക്കുമെന്ന് ഞാൻ ഉറപ്പാക്കും. എന്നാൽ നിങ്ങളിൽ ആരാണ് യഥാർത്ഥ പത്രപ്രവർത്തകനെന്നും മാധ്യമങ്ങളുടെ വേഷം കെട്ടിയ കേഡർമാർ ആരെന്നും എനിക്കറിയില്ല. മാത്രമല്ല, കേഡറുമായി സംസാരിക്കാൻ ഞാൻ ആഗ്രഹിക്കുന്നുമില്ലെ'ന്നുമാണ് ഗവർണർ പറഞ്ഞിരുന്നത്.
advertisement
പ്രതികരണം മെയിലിലൂടെ ആവശ്യപ്പെട്ടവർക്ക് മാത്രമായി പ്രവേശനം പരിമിതപ്പെടുത്തിയെന്നായിരുന്നു വിശദീകരണം. വാർത്തകൾ വളച്ചൊടിച്ചത് തിരുത്താൻ പറഞ്ഞിട്ട് ചെയ്യാത്തവരെയും താൽപര്യമില്ലെന്ന് ഗവർണർ വ്യക്തമാക്കിയിരുന്നു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Oct 25, 2022 8:10 PM IST
മലയാളം വാർത്തകൾ/ വാർത്ത/Kerala/
'അനുമതി തേടിയവരെ ഒന്നിച്ചു ക്ഷണിച്ചു; ചിലർ വാർത്താസമ്മേളനമായി തെറ്റിദ്ധരിച്ചു'; മാധ്യമ വിലക്കിൽ ഗവർണറുടെ മറുപടി
