കാടിനുള്ളിലൂടെ മഹാഗണി തോട്ടത്തിലേക്കും ഇല്ലിത്തോടിലേക്കും ഒരു യാത്ര
- Reported by:Nandana KS
- local18
- Published by:Gouri S
Last Updated:
പുലിമുരുകൻ, ബാഹുബലി തുടങ്ങിയ സിനിമകൾ ഷൂട്ട് ചെയ്ത ഇടം... എറണാകുളം ജില്ലയിലെ മലയാറ്റൂരിനടുത്താണ് ഇക്കോടൂറിസം സ്പോട്ടായ മഹാഗണി തോട്ടത്തിലേക്കും ഇല്ലിത്തോടിലേക്കും ഒരു യാത്ര
എറണാകുളം ജില്ലയിലെ മലയാറ്റൂരിനടുത്താണ് ഇക്കോടൂറിസം സ്പോട്ടായ മഹാഗണി തോട്ടവും ഇല്ലിത്തോടും ഉള്ളത്. മലയാറ്റൂരിൽ നിന്ന് ഏകദേശം 11 km ദൂരം ഉണ്ട് മഹാഗണി തോട്ടത്തിലേക്ക്. രാവിലെ 8 മണി മുതൽ വൈകിട്ട് 4:30 വരെയാണ് പ്രവേശന സമയം. ടിക്കറ്റ് നിരക്ക് മുതിർന്നവർക്ക് 50 രൂപയും കുട്ടികൾക്ക് (5 - 13) 10 രൂപയും ആണ്. ക്യാമറയ്ക്ക് 100 രൂപയും. മലയാള സിനിമ ആയ പുലിമുരുകൻ ഇവിടെ ആണ് ഷൂട്ട് ചെയ്തത്. കൂടാതെ ബാഹുബലി, വിജയുടെ പുലി തുടങ്ങി നിരവധി സിനിമകൾ ഇവിടെ ഷൂട്ട് ചെയ്തിട്ടുണ്ട്. കാട്ടിലൂടെ ഒരു യാത്ര ഇഷ്ടപ്പെടുന്നവർക്ക് പറ്റിയ സ്ഥലമാണ് ഇവിടം. ദിവസവും ഒരുപാട് ടൂറിസ്റ്റുകൾ ഇവിടെ എത്താറുണ്ട്.
കാടിൻ്റെ ഉള്ളിലേക്ക് പോകുംതോറും വലിയ മരങ്ങൾ കാണാൻ സാധിക്കും. പല മരത്തിലും ഊഞ്ഞാലുകൾ കെട്ടിയിട്ടുണ്ട്. മഹാഗണി തോട്ടത്തിൻ്റെ ഉള്ളിലേക്ക് പോയാൽ ഇല്ലിത്തോട് കാണാൻ സാധിക്കും. ഫാമിലി ആയിട്ടും കൂട്ടുകാരുമായും ഇവിടെ എത്തി പുഴയിൽ കുളിക്കാനും കളിക്കാനും സമയം ചെലവഴിക്കുന്നവരും ഉണ്ട്. പുഴയുടെ കുറച്ച് അകലെ പുഴയ്ക്ക് അപ്പുറത്തേക്ക് കടക്കരുത് എന്നുള്ള അപായ സൂചന നൽകുന്ന ലൈൻ കൊടുത്തിട്ടുണ്ട്. അതിന് അപ്പുറത്തേക്ക് ആരും കടക്കരുത്. ഫോട്ടോഗ്രഫിയ്ക്ക് പറ്റിയ സ്ഥലം കൂടിയാണിത്. വളരെ എളുപ്പത്തിൽ ഒരു പകലിൽ പോയി ആസ്വദിച്ച് വരാൻ കഴിയുന്ന യാത്ര. രസകരമായ പല കാഴ്ചകളും കാടിനുള്ളിലെ യാത്രാനുഭവവും അനുഭവിക്കാൻ പറ്റിയ സ്ഥലമാണിത്. കാടിനുള്ളിലൂടെ സഞ്ചരിക്കുമ്പോൾ ചീവിടുകളുടെയും മറ്റ് പക്ഷികളുടെയും ശബ്ദങ്ങൾ കേൾക്കാം.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kochi [Cochin],Ernakulam,Kerala
First Published :
May 22, 2025 3:16 PM IST
