പ്രിൻ്റിങ് ലോകത്തെ ഗുരുവിന് ആദരം: അങ്കമാലിയിൽ കേരള പ്രിൻ്റേഴ്സ് അസോസിയേഷൻ്റെ 'ഗുരുവന്ദനം'

അങ്കമാലി മുനിസിപ്പാലിറ്റിയും കറുകുറ്റി, മൂക്കന്നൂര്‍, തുറവൂര്‍, മഞ്ഞപ്ര, അയ്യമ്പുഴ, കാലടി, മലയാറ്റൂര്‍-നീലീശ്വരം, കാഞ്ഞൂര്‍, ശ്രീമൂലനഗരം, നെടുമ്പാശ്ശേരി, പാറക്കടവ്, കുന്നുകര, ചെങ്ങമനാട് എന്നീ ഗ്രാമപഞ്ചായത്തുകളും ഉള്‍പ്പെടുന്ന അങ്കമാലി മേഖലയില്‍ മുന്‍പ് പ്രസ്സ് ജീവിതം നയിച്ച് വിശ്രമജീവിതം നയിക്കുന്നവരും ഇപ്പോള്‍ പ്രിന്‍റിംങ് സ്ഥാപനം നടത്തുന്നതുമായ മുഴുവന്‍ പേരുടെയും പ്രിന്‍റേഴ്സ് സംഗമം നടന്നു. സംഗമം പഴയ തലമുറയില്‍പ്പെട്ടവര്‍ക്ക് സൗഹൃദം പങ്കുവയ്ക്കുന്നതിനും സന്തോഷം ഉളവാക്കുന്ന ഒരു വേദിയുമായി മാറി. സംസ്ഥാന-ജില്ലാ ഭാരവാഹികളെ ചടങ്ങില്‍ ആദരിച്ചു. എറണാകുളം ജില്ലാ സെക്രട്ടറി പി.എസ്. ബിനീഷ്, ജില്ലാ വൈസ് പ്രസിഡന്‍റ് തോമസ് കെ.വി., മേഖല സെക്രട്ടറി സിജുമോന്‍ ജേക്കബ്, മേഖല ട്രഷറര്‍ വര്‍ഗീസ് തരിയന്‍, മേഖലാ വൈസ് പ്രസിഡന്‍റ് പി.ജെ. പോള്‍സണ്‍, ടി.ആര്‍. ബാബു, ജെയ്നസ് വര്‍ഗീസ്, ഷാജി മാത്യു, മേരി തുടങ്ങിയവര്‍ പ്രസംഗിച്ചു.