കൊച്ചി ദർബാർഹാൾ മൈതാനിയിൽ നൃത്തവും സംഗീതവും ഒത്തുചേർന്ന ഓണാഘോഷം

കാലടി ശ്രീ ശങ്കരാചാര്യ സംസ്കൃത സർവകലാശാലയിലെ വിദ്യാർത്ഥിനികളുടെ നൃത്തച്ചുവടുകൾ അക്ഷരാർത്ഥത്തിൽ വേദിയെ വിസ്മയിപ്പിച്ചു. നൃത്തച്ചുവടുകളുടെ താളത്തെ സദസ്സാകെ ഏറ്റെടുത്തു എന്നുവേണം പറയാൻ. ഒരു മണിക്കൂറോളം നീണ്ട നൃത്ത വിരുന്നിന് പിന്നാലെ അനിത ഷെയ്ക്കിൻ്റെ സ്വര മാധുര്യത്തിന് വേദി വഴിമാറി. സൂഫി മെഹ്ഫിൽ ഈണം ആസ്വാദക ഹൃദയങ്ങളെ കീഴടക്കി. താളം പിടിച്ചും കൂടെ പാടിയും കാണികളും ഒപ്പം ചേർന്നു. പരിപാടിയിലേക്കുള്ള പ്രവേശനം സൗജന്യമായിരുന്നു.