വിനോദത്തോടൊപ്പം സമ്മാനങ്ങളും: കൊച്ചി മെട്രോ യാത്ര ഇനി വെറൈറ്റിയാവും

ഇടപ്പള്ളി, മഹാരാജാസ് കോളേജ്, വൈറ്റില മെട്രോ സ്റ്റേഷനുകളിൽ ഇതിനോടകം ക്വിക്സിൻ്റെ എക്സ്ക്ലൂസീവ് പ്രിവ്യൂ ആരംഭിച്ചിട്ടുണ്ട്. സ്റ്റേഷനുകളിൽ സ്ഥാപിച്ചിരിക്കുന്ന ക്യു.ആർ. കോഡ് സ്കാൻ ചെയ്ത് ക്വിക്സ് വെബ് ആപ് വഴി ഫോണുകളിൽ ഹ്രസ്വവും രസകരവുമായ ഗെയിമുകൾ കളിക്കാൻ കഴിയും. വിജയികൾക്ക് ജനപ്രിയമായ പ്രാദേശിക ബ്രാൻഡുകളിൽ നിന്ന് ഉടൻ തന്നെ റിവാർഡുകൾ നേടാനും കഴിയുന്ന രീതിയിലാണ് ഗെയിമുകൾ ഒരുക്കിയിട്ടുള്ളത്. നഗരത്തിൽ തന്നെ റെഡീം ചെയ്യാനാകുന്ന റിവാർഡ് പോയിൻ്റുകളും സമ്മാനങ്ങളുമാണ് യാത്രക്കാരെ കാത്തിരിക്കുന്നത്.