നൈപുണ്യ നിയമ ബോധവത്ക്കരണ പരിപാടി സംഘടിപ്പിച്ച് മാമലക്കണ്ടം സ്‌കൂൾ; മുഖ്യാതിഥിയായി നടൻ സിദ്ധാർഥ് ഭരതൻ

മാമലക്കണ്ടം ഗവൺമെൻ്റ് ഹൈസ്‌കൂളിൽ നൈപുണ്യ നിയമ ബോധവത്ക്കരണ പരിപാടിയുടെയും ക്ഷേമ പദ്ധതികളുടെയും ഉദ്ഘാടനം നടന്നു. ഇന്ന് രാവിലെ 11ന് 'ഹൃദയ വാതിൽ തുറക്കുമ്പോൾ' പരിശീലന പരിപാടിയുടെ ഉദ്ഘാടനം ഹൈക്കോടതി ജഡ്ജി ജസ്റ്റിസ്‌ ദേവൻ രാമചന്ദ്രനും, 'എൻ്റെ മാമലക്കണ്ടം' തുടർ പദ്ധതികളുടെ ഉദ്ഘാടനം ഹൈക്കോടതി ജസ്റ്റീസ്‌ സി.എസ്. സുധയും നിർവഹിച്ചു. ചടങ്ങിൽ ജില്ലാ ലീഗൽ സർവീസസ് അതോറിറ്റി സെക്രട്ടറിയും സബ് ജഡ്ജുമായ ആർ. രജിത സ്കൂളുകൾക്കുള്ള പഠനോപകരണങ്ങൾ വിതരണം ചെയ്തു. സംസ്ഥാന ബാലാവകാശ കമ്മീഷൻ ചെയർപേഴ്സൺ കെ.വി. മനോജ് കുമാർ മുഖ്യപ്രഭാഷണം നടത്തി. നടൻ സിദ്ധാർഥ് ഭരതൻ ആയിരുന്നു ചടങ്ങിലെ മുഖ്യാതിഥി.