ഫ്രഞ്ച് പ്രസിഡന്റിന്റെ ഭാര്യ സ്ത്രീയാണെന്ന് തെളിയിക്കാന്‍ തെളിവുകള്‍ കോടതിയില്‍ ഹാജരാക്കും

2017-ലാണ് ബ്രിജിറ്റ് മാക്രോണിനെതിരെ അവർ സ്ത്രീയല്ലെന്ന തരത്തിൽ ആരോപണം ഉയരുന്നത്. നതാച്ച റേ എന്ന ബ്ലോഗര്‍ ഫ്രഞ്ച് പ്രസിഡന്റിന്റെ ഭാര്യ തന്റെ സഹോദരന്‍ ജീന്‍ മൈക്കല്‍ ട്രോഗ്നിയസ് ആണെന്ന് യൂട്യൂബ് വീഡിയോയില്‍ അവകാശപ്പെട്ടതോടെയാണ് ഈ ആരോപണങ്ങള്‍ വരുന്നത്. അദ്ദേഹം തന്റെ ജെന്‍ഡറും പേരും മാറ്റിയെന്നും ബ്ലോഗര്‍ പറഞ്ഞു. 2021-ല്‍ അമാന്‍ഡിന്‍ റോയിയുമായുള്ള അഭിമുഖത്തിലും നതാച്ച ഇത് ആവര്‍ത്തിച്ചു. 2022-ലെ ഫ്രഞ്ച് പ്രസിഡന്റ് തിരഞ്ഞെടുപ്പിനു മുമ്പ് ഈ വീഡിയോ വൈറലായി.