നെട്ടൂരിൽ മരട് നഗരസഭയുടെ എൽഇഡി ലൈറ്റ് നിർമ്മാണ യൂണിറ്റ് പ്രവർത്തനമാരംഭിച്ചു

നെട്ടൂർ വ്യവസായ പരിശീലന കേന്ദ്രത്തിൽ മരട് നഗരസഭയുടെ നേതൃത്വത്തിൽ എൽഇഡി ലൈറ്റ് നിർമ്മാണ യൂണിറ്റ് ആരംഭിച്ചു. നഗരസഭ ചെയർപേഴ്സൺ ആൻ്റണി ആശാൻ പറമ്പിൽ യൂണിറ്റിൻ്റെ ഉദ്ഘാടനം നിർവഹിച്ചു. നാട്ടിൽ തന്നെ ഉൽപാദനവും തൊഴിൽസാധ്യതകളും കൂട്ടുന്നതിനുള്ള ഒരു മാതൃക പദ്ധതിയായി ഇത് മാറുമെന്ന് നഗരസഭ ചെയർപേഴ്സൺ പറഞ്ഞു. തുടർന്നുള്ള ദിവസങ്ങളിൽ ഭിന്നശേഷി കുട്ടികളുടെ അമ്മമാർക്കായി മെഴുകുതിരി നിർമ്മാണവും, വനിതകൾക്കായി തുണിസഞ്ചി നിർമ്മാണവും, തയ്യൽ പരിശീലനവും കൂടി ആരംഭിക്കുമെന്നും ചെയർപേഴ്സൺ അറിയിച്ചു.