വനിതാ സംരംഭത്തിന് കൈത്താങ്ങ്: പള്ളുരുത്തിയിൽ കയാക്കിങ് സെൻ്റർ പ്രവർത്തനമാരംഭിച്ചു

പള്ളുരുത്തി ബ്ലോക്ക് പഞ്ചായത്തിൻ്റെ സാമ്പത്തിക സഹായത്തോടെ വനിതകളുടെ നേതൃത്വത്തിൽ കയാക്കിങ് സെൻ്റർ പ്രവർത്തനമാരംഭിച്ചു. ബ്ലോക്ക് പഞ്ചായത്ത് പ്രസിഡൻ്റ് ബേബി തമ്പി ഉദ്ഘാടനം നിർവഹിച്ചു. വനിത ഗ്രൂപ്പുകൾക്ക് വ്യവസായം ആരംഭിക്കാൻ സഹായം നൽകുന്ന പദ്ധതിയുടെ ഭാഗമായി എ എം ശ്രീലക്ഷമി, കുമാരി എന്നിവരുടെ നേതൃത്വത്തിലുള്ള കോസ്റ്റൽ ക്രൂയിസ് ഗ്രൂപ്പാണ് സെൻ്റർ ആരംഭിച്ചത്. 75% സബ്സിഡിയോടെ ലഭിച്ച ലോൺ ഉപയോഗിച്ചാണ് കയാക്കിങ് സെൻ്റർ ആരംഭിച്ചത്. ആറ് ലക്ഷം രൂപയുടെ പദ്ധതിയാണിത്. 12 കയാക്കുകൾ, തുഴകൾ, ലൈഫ് ജാക്കറ്റ്, കയാക്ക് ജെട്ടി എന്നിവയാണ് സെൻ്ററിലുള്ളത്.