കൃഷിയുടെയും അറിവിൻ്റെയും ഉത്സവം: കൊല്ലം വളവുപച്ചയിൽ 'അഗ്രി ഫെസ്റ്റ് 2025'

കേന്ദ്ര-സംസ്ഥാന സർക്കാരുകളുടെ അംഗീകാരത്തോടെ നബാർഡിൻ്റെ നേതൃത്വത്തിൽ പ്രവർത്തിക്കുന്ന കടയ്ക്കൽ ഫാർമർ പ്രൊഡ്യൂസർ കമ്പനിയും, കൊല്ലം ജില്ലയിലെ മോഡൽ വില്ലേജ് ലൈബ്രറിയായ സി. കേശവൻ ഗ്രന്ഥശാലയുമായി സഹകരിച്ച് നടത്തുന്ന 'അഗ്രി ഫെസ്റ്റ്-2025' 16 മുതൽ 19 വരെ വളവുപച്ചയിൽ നടക്കും. പതാക ഉയർത്തി ഫെസ്റ്റിന് തുടക്കം കുറിച്ചു. കേരള വെറ്റിനറി സർവ്വകലാശാലയുമായി നടത്തുന്ന അക്കാദമിക് സെമിനാർ മുൻ ക്യഷി വകുപ്പ് മന്ത്രി മുല്ലക്കര രത്നാകരൻ ഉദ്ഘാടനം ചെയ്തു. 17 ന്  രാവിലെ ഫെസ്റ്റ് ഉദ്ഘാടന സമ്മേളനവും, പുരസ്കാര സമർപ്പണവും മന്ത്രി ജെ. ചിഞ്ചുറാണി നിർവഹിച്ചു. മുഖ്യാതിഥിയായി എൻ കെ പ്രേമചന്ദ്രൻ എം.പി. പങ്കെടുത്തു. 11.30 ന്  മ്യഗ സംരക്ഷണം സംരംഭ സാധ്യതകൾ എന്ന വിഷയത്തിൽ ടോക് ഷോയും 2.30 ന് വാവ സുരേഷ് നേതൃത്വം നൽകുന്ന സർപ്പപർവ്വം നടന്നു. വിവിധ ടീമുകൾ പങ്കെടുക്കുന്ന കൈകൊട്ടിക്കളി മത്സരം 6.30ന് നടക്കും.