മലപ്പുറത്തിന് ഫണ്ട് കുറവ്; ജില്ലാ പുന:ക്രമീകരണത്തിന് മുഖ്യധാരാ പാർട്ടികൾ തയ്യാറാകണം:കേരള മുസ്‌ലിം ജമാഅത്ത്

മലപ്പുറം: ജില്ലാ പുന:ക്രമീകരണത്തിന് മുഖ്യധാരാ പാർട്ടികളും ഭരണകൂടവും തയ്യാറാകണമെന്ന് കേരള മുസ്‌ലിം ജമാഅത്ത് ജില്ലാ കമ്മിറ്റി സംലടിപ്പിച്ച ടേബിൾ ടോക്ക് ആവശ്യപ്പെട്ടു. കേന്ദ്ര-സംസ്ഥാന സർക്കാരുകളുടെ വികസന ക്ഷേമ പദ്ധതികൾ ജനസംഖ്യാനുപാതികമായാണ് വിതരണം ചെയ്യപ്പെടേണ്ടത്. 50 ലക്ഷത്തിലധികം ജനസംഖ്യയുള്ള മലപ്പുറം ജില്ലക്ക് ആനുപാതികമായ പദ്ധതികളും ഫണ്ടും ലഭ്യമാകുന്നില്ല. പ്രത്യേകിച്ചും ആരോഗ്യ വിദ്യാഭ്യാസ വ്യാവസായിക വളർച്ചയിൽ അര നൂറ്റാണ്ട് പിന്നിട്ടിട്ടും ജില്ല ഇപ്പോഴും ഏറെ പിന്നാക്കമാണ്. ജില്ലാ പുന:ക്രമീകരണത്തിലൂടെ ഈ വളർച്ചാ മുരടിപ്പ് അവസാനിപ്പിക്കാൻ മുഖ്യധാര പാർട്ടികളും ഭരണകൂടവും തയ്യാറാകണമെന്നും ടേബിൾ ടോക്ക് ആവശ്യപ്പെട്ടു.