വയസ്സ് ഒരു പ്രശ്നമല്ല! 80 വയസ്സുകാരും അരങ്ങിൽ; കോഴിക്കോട്ട് കലാവിസ്മയമായി SNGOU കലോത്സവം
Last Updated:
കോഴിക്കോട് മീഞ്ചന്ത ഗവ. ആർട്‌സ് ആൻഡ് & സയൻസ് കോളേജിൽ കലോത്സവത്തിന് കൈതപ്രം ദാമോദരൻ നമ്പൂതിരി ദീപം തെളിയിച്ചു.
കോഴിക്കോട് നടക്കുന്ന ശ്രീനാരായണ ഗുരു ഓപ്പൺ യൂണിവേഴ്‌സിറ്റി സംസ്ഥാന കലോത്സവത്തിൽ ആദ്യദിനം പിന്നിട്ടപ്പോൾ 43 പോയിൻ്റുമായി കൊല്ലം റീജണൽ സെൻ്റർ മുന്നിലെത്തി. 41 പോയിൻ്റോടുകൂടി പട്ടാമ്പി റീജണൽ സെൻ്റർ രണ്ടാം സ്ഥാനത്തും 26 പോയൻ്റുമായി കോഴിക്കോട് റീജണൽ സെൻ്റർ മൂന്നാം സ്ഥാനത്തുമുണ്ട്. വെള്ളിയാഴ്ച തെയ്യം രൂപങ്ങൾ അണിനിരന്ന വർണാഭമായ വിളംബരറാലിയോടെയാണ് കോഴിക്കോട് മീഞ്ചന്ത ഗവ. ആർട്‌സ് ആൻഡ് & സയൻസ് കോളേജിൽ കലോത്സവത്തിന് കൈതപ്രം ദാമോദരൻ നമ്പൂതിരി ദീപം തെളിയിച്ചത്.
സംഗീതനാടക അക്കാദമി ജേതാവും ഗായകനുമായ വി.ടി. മുരളി, മുതിർന്ന നാടക-സിനിമാ നടി നിലമ്പൂർ ആയിഷ എന്നിവർ മുഖ്യാതിഥികളായിരുന്നു. വിസി ഡോ. വി.പി. ജഗതിരാജ് അധ്യക്ഷത വഹിച്ചു. കാലടി ശ്രീശങ്കരാചാര്യ സംസ്കൃത സർവകലാശാല മുൻ വിസി ഡോ. ജെ. പ്രസാദ്, ശ്രീനാരായണഗുരു സർവകലാശാല സിൻഡിക്കേറ്റംഗങ്ങളായ ഡോ. സി. ഉദയകല, വി.പി. പ്രശാന്ത്, പ്രൊഫ. ഹേമന്ത്കുമാർ, പി. ഹരിദാസ്, ഡോ. എ. ബാലകൃഷ്ണൻ, ഡോ. എം. ജയപ്രകാശ്, എസ്.കെ. ആദർശ്, മലബാർ ക്രിസ്ത്യൻ കോളേജ് റിട്ട. പ്രൊഫ. വി.പി. സണ്ണി, പരീക്ഷാ കൺട്രോളർ ഡോ. ഗ്രേഷ്യസ് ജെയിംസ്, കോഴിക്കോട് റീജണൽ സെൻ്റർ ഡയറക്ടർ ഡോ. പ്രദീപ് കുമാർ എന്നിവർ സംസാരിച്ചു.
advertisement
18 മുതൽ 80 വയസ്സുവരെയുള്ള കലാകാർ ശ്രീനാരായണ ഗുരു ഓപ്പൺ യൂണിവേഴ്‌സിറ്റി സംസ്ഥാന കലോത്സവത്തിൽ മാറ്റുരയ്ക്കുന്നുണ്ട്. മുഖ്യവേദിയായ എം.ടി. നഗറിൽ ശനിയാഴ്ച രാവിലെ ഒൻപതിന് തുടങ്ങുന്ന ഭരതനാട്യത്തോടെ നൃത്ത ഇനങ്ങൾക്ക് തുടക്കമായി.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kozhikode [Calicut],Kozhikode,Kerala
First Published :
November 29, 2025 5:18 PM IST
മലയാളം വാർത്തകൾ/ വാർത്ത/Kozhikkod/
വയസ്സ് ഒരു പ്രശ്നമല്ല! 80 വയസ്സുകാരും അരങ്ങിൽ; കോഴിക്കോട്ട് കലാവിസ്മയമായി SNGOU കലോത്സവം
