ഖേലോ ഇന്ത്യ യൂണിവേഴ്സിറ്റി ഗെയിംസ്: വോളിബോൾ കിരീടം സ്വന്തമാക്കി കാലിക്കറ്റ് സർവകലാശാല

രാജസ്ഥാനിൽ നടന്ന ഖേലോ ഇന്ത്യ യൂണിവേഴ്സ‌ിറ്റി ഗെയിംസിൽ പുരുഷ വിഭാഗം വോളിബോൾ മത്സരത്തിൽ കിരീടം കരസ്ഥമാക്കി കാലിക്കറ്റ് സർവകലാശാല. കഴിഞ്ഞ ദിവസം ഫുട്ബോളിലും കാലിക്കറ്റ് സർവകലാശാല ജേതാക്കളായിരുന്നു. ഫൈനലിൽ തമിഴ്‌നാട് എസ്.ആർ.എം. സർവകലാശാലയെ തോൽപ്പിച്ചാണ് ഖേലോ ഇന്ത്യ യൂണിവേഴ്സിറ്റി ഗെയിംസ് വോളിബോൾ ഇനത്തിൽ കാലിക്കറ്റ് സർവകലാശാല ആദ്യ കിരീടം നേടിയത് (21-25, 25-22, 25-16). കാലിക്കറ്റ് സർവകലാശാല ആകെ രണ്ടു സ്വർണവും അഞ്ചു വെള്ളിയും എട്ട് വെങ്കലവും ഖേലോ ഇന്ത്യ യൂണിവേഴ്സിറ്റി ഗെയിംസിൽ സ്വന്തമാക്കി.