ടൈഗർ സഫാരി പാർക്ക് യാഥാർത്ഥ്യമാകും; ചക്കിട്ടപ്പാറ ഗ്രാമപഞ്ചായത്ത് വികസന സദസ്സ് മന്ത്രി ഉദ്ഘാടനം ചെയ്തു

ചക്കിട്ടപ്പാറയിൽ ടൈഗർ സഫാരി പാർക്ക് യാഥാർത്ഥ്യമാകുന്നതോടെ പഞ്ചായത്തിൻ്റെ മുഖച്ഛായ തന്നെ മാറുമെന്ന് പൊതുമരാമത്ത് വിനോദസഞ്ചാര വകുപ്പ് മന്ത്രി പി എ മുഹമ്മദ് റിയാസ്. ചക്കിട്ടപ്പാറ ഗ്രാമപഞ്ചായത്ത് വികസന സദസ്സ് ഓണ് ലൈനായി ഉദ്ഘാടനം ചെയ്യുകയായിരുന്നു മന്ത്രി. 510 കോടി രൂപയുടെ വികസന പ്രവർത്തനങ്ങളാണ് ചക്കിട്ടപ്പാറ പഞ്ചായത്തിൽ ഉണ്ടായത്. 100 കോടിയിലധികം രൂപ പൊതുമരാമത്ത് പ്രവൃത്തികൾക്ക് മാത്രമായി ഉപയോഗിച്ചു. ലൈഫ് പട്ടികയിൽ ഉൾപ്പെട്ട മുഴുവൻ കുടുംബങ്ങൾക്കും വീടുനൽകാൻ പഞ്ചായത്തിന് സാധിച്ചെന്നും ചക്കിട്ടപ്പാറ ഗ്രാമപഞ്ചായത്ത് വികസന സദസ്സ് ഉൽഘാടനം ചെയ്ത ശേഷം മന്ത്രി പറഞ്ഞു.