കോഴിക്കോട് എലത്തൂർ, മേപ്പയ്യൂർ ഉൾപ്പെടെ നാല് വില്ലേജ് ഓഫീസുകൾ സ്മാർട്ടായി

എലത്തൂർ, മേപ്പയ്യൂർ, നെല്ലിപ്പൊയിൽ, ഉള്ളിയേരി വില്ലേജ് ഓഫീസുകൽ ഇനി സ്മാർട്ട് വില്ലേജ് ഓഫീസുകളാണ്. റവന്യൂ വകുപ്പ് മന്ത്രി അഡ്വ. കെ രാജൻ ഓൺലൈൻ ഉദ്ഘാടനം നിർവഹിച്ചുകൊണ്ട് സ്മാർട്ട് വില്ലേജ് ഓഫീസുകൾ നാടിന് സമർപ്പിച്ചു. സർക്കാർ പ്ലാൻ ഫണ്ടിൽ 50 ലക്ഷം രൂപ വീതം ചെലവിട്ടാണ് പുതിയ സ്മാർട്ട് കെട്ടിടങ്ങൾ നിർമ്മിച്ചത്. വില്ലേജ് ഓഫീസുകൾ ജനസൗഹൃദമാക്കാനും മുഖം മിനുക്കാനും ലക്ഷ്യമിട്ട് ആരംഭിച്ച പദ്ധതിയാണ് സ്മാർട്ട് വില്ലേജ് ഓഫീസ് പദ്ധതി. വില്ലേജ് ഓഫീസുകളിലെ അടിസ്ഥാന സൗകര്യങ്ങൾ വർധിപ്പിക്കുന്നതിന് പുറമെ സേവനങ്ങൾ വേഗത്തിലും സുതാര്യവും കടലാസ് രഹിതവുമാക്കി ഭരണനിർവഹണം കാര്യക്ഷമമാക്കാൻ ലക്ഷ്യമിട്ടാണ് പദ്ധതി തയ്യാറാക്കിയിരിക്കുന്നത്.