ഗോത്രവർഗ യുവജന ശാക്തീകരണത്തിന് 'മേരാ യുവഭാരത്' പരിപാടി; ഗവർണർ ഉദ്ഘാടനം ചെയ്തു

വികസന പ്രവര്‍ത്തനങ്ങള്‍ എല്ലാ മേഖലകളിലും എത്തുമ്പോള്‍ മാത്രമേ രാജ്യത്തിൻ്റെ പുരോഗമനം പൂര്‍ണമാകുവെന്ന് ഗവര്‍ണര്‍ രാജേന്ദ്ര വിശ്വനാഥ് ആര്‍ലേകര്‍ കോഴിക്കോട് പറഞ്ഞു. കേന്ദ്ര ആഭ്യന്തര മന്ത്രാലയത്തിൻ്റെയും യുവജനകാര്യ-കായിക മന്ത്രാലയത്തിൻ്റെയും സഹകരണത്തോടെ കോഴിക്കോട് മേരാ യുവഭാരത് സംഘടിപ്പിച്ച പട്ടികവര്‍ഗ യുവജന സംസ്കാരിക വിനിമയ പരിപാടി ഉദ്ഘാടനം ചെയ്യുകയായിരുന്നു അദ്ദേഹം. യുവജനങ്ങളാണ് നാളെയുടെ പ്രതീക്ഷയെന്നും അതതു പ്രദേശത്തെ വികസന പ്രവര്‍ത്തനങ്ങള്‍ എന്തായിരിക്കണമെന്ന് തീരുമാനിക്കുന്നത് യുവജനങ്ങളായിരിക്കണമെന്നും ഗവര്‍ണര്‍ പറഞ്ഞു.