എയ്ഡ്‌സ് ബോധവൽക്കരണവുമായി കാലിക്കറ്റ് സർവകലാശാലയിൽ 'ഒരുമ'

എയ്ഡ്സ് ബോധവത്കരണ പരിപാടിയായ ഒരുമ, വിദ്യാർത്ഥികളോടൊപ്പം അധ്യാപകരുടെ പിന്തുണയോടെ കാലിക്കറ്റ് സർവകലാശാലയിൽ മികച്ച അഭിപ്രായങ്ങൾ നേടി മുന്നേറുകയാണ്. കഴിഞ്ഞ മാസം ഡിസംബറിലാണ് കാലിക്കറ്റ് സർവകലാശാലയിൽ നടന്ന എൻ.എസ്.എസ്. സർവകലാശാല തല ഉപദേശക സമിതി യോഗത്തിൽ വൈസ് ചാൻസിലർ ഡോ. പി രവീന്ദ്രൻ വിദ്യാർഥികൾക്കായുള്ള എയ്ഡ്സ് ബോധവൽക്കരണ പരിപാടിയായ 'ഒരുമ', ഒപ്പം തന്നെ അഞ്ചു ജില്ലകളിലായി നടക്കുന്ന എൻ.എസ്.എസ്. പ്രോഗ്രാം ഓഫീസേഴ്‌സ് മീറ്റായ 'അപ്പ്‌ഡേറ്റ്' എന്നിവയുടെ ബ്രോഷർ പ്രകാശനം ചെയ്തു. എൻ.എസ്.എസ്. പ്രോഗ്രാം ഓഫീസേഴ്‌സ് മീറ്റായ 'അപ്പ്‌ഡേറ്റ്' ഇതിനോടകം തന്നെ പല ജില്ലകളിൽ തുടക്കം കുറിച്ചു കഴിഞ്ഞു. മികച്ച പ്രതികരണം നേടിയാണ് അപ്പ്‌ഡേറ്റ് തുടരുന്നത്.