വികസന സദസുമായി സഹകരിക്കുമെന്ന നിലപാടില്‍ നിന്ന് പിന്മാറി മുസ്ലീം ലീഗ് മലപ്പുറം ജില്ലാ നേതൃത്വം

സർക്കാർ നടത്താൻ പോകുന്ന ആഗോള അയ്യപ്പ സംഗമവുമായും തദ്ദേശസ്ഥാപനങ്ങളുടെ ഫണ്ടുപയോഗിച്ച് സംഘടിപ്പിക്കുന്ന വികസന സദസുമായും സഹകരിക്കേണ്ടെന്ന് യു.ഡി.എഫ് സർക്കുലർ ഇറക്കിയിരുന്നു.നവകേരള സദസ്സിന് സമാനമായി സാധാരണക്കാർ നൽകുന്ന നികുതിപ്പണമുപയോഗിച്ച് ഭരണ കാലാവധി കഴിയാനിരിക്കെ വികസന സദസ്സ് നടത്തുന്നത് ധൂർത്താണെന്നും സർക്കുലറിൽ പറഞ്ഞുരുന്നു.

അതേസമയം തദ്ദേശഭരണ സ്ഥാപനങ്ങൾക്ക് അവരുടെ വികസനപരമായനേട്ടങ്ങളെല്ലാം ജനങ്ങളുടെ മുമ്പാകെ പഞ്ചായത്തിന്റെ , മുനിസിപ്പാലിറ്റിയുടെ ചിലവിൽ അവതരിപ്പിക്കാൻ ലഭിക്കുന്ന അവസരമാണെന്നും യു.ഡി.എഫ് ഭരണമുള്ള പഞ്ചായത്തുകളിലും മുനിസിപ്പാലി റ്റികളിലും പ്രവർത്തകരെയും നിഷ്‌പക്ഷരായിട്ടുള്ള പൊതുജനങ്ങളെയും പരമാവധി പങ്കെടുപ്പിച്ച് യുഡിഎഫിന്റെ ഭരണ നേട്ടങ്ങൾ ജനങ്ങൾക്ക് മുന്നിൽ അവതരിപ്പിച് അവസരം പ്രയോജനപ്പെടുത്തണമെന്നായിരുന്നു മുസ്ലിം ലീഗ് മലപ്പുറം ജില്ലാ സെക്രട്ടറി പി അബ്ദുൽ ഹമീദ് എംഎൽഎ പ്രസ്താവനയിലൂടെ അറിയിച്ചത്.ഈ നിലപാടിൽ നിന്നാണ് ജില്ലാ നേതൃത്വത്തിന്റെ പിൻമാറ്റം.