കാപ്പൻ കടുപ്പിച്ചതിന്‍റെ കാരണവും ലക്ഷ്യവും

ജോസ്.കെ.മാണിയെ മുന്നണിയിൽ എടുക്കുമ്പോൾ തന്നെ ചില നീക്കുപോക്കുകൾ പാലയിൽ ചെയ്യേണ്ടി വരുമെന്ന് എൻസിപി നേതൃത്വത്തിന് ഉറപ്പായിരുന്നു. അത് അവർ അംഗീകരിച്ചതുമാണ്. മാത്രവുമല്ല മത്സരിക്കാൻ ലഭിച്ച സീറ്റ് ഏറ്റുവാങ്ങിയപ്പോഴോ മത്സരം നടന്നപ്പോഴോ ഇല്ലാതിരുന്ന തിരിച്ചറിവ് ഇപ്പോൾ എങ്ങനെയുണ്ടായി എന്നതാണ് ഉയരുന്ന ചോദ്യം. അതാണ് മാണി.സി.കാപ്പന്റെ ഇപ്പോഴത്തെ പരസ്യ പ്രസ്താവനയ്ക്ക് പിന്നിൽ മറ്റു ലക്ഷ്യങ്ങളുണ്ടോയെന്ന ചോദ്യം പ്രസക്തമാക്കുന്നത്.

Also Read സീ​റ്റ് വി​ഭ​ജ​ന​ത്തി​ല്‍ LDF നീ​തി പു​ല​ര്‍​ത്തി​യി​ല്ലെ​ന്ന് മാ​ണി സി. ​കാ​പ്പ​ന്‍; യുഡിഎഫിലേക്ക് ക്ഷണിച്ച്‌ എം.എം ഹസന്‍

വിശ്വസിക്കാൻ പ്രയാസമുണ്ട്. ജോസ്.കെ.മാണി എൽഡിഎഫില് എത്തിയപ്പോൾ യുഡിഎഫിലേക്ക് ചേക്കേറാൻ എൻസിപിക്ക് സാഹചര്യങ്ങളെല്ലാം അനുകൂലമായിരുന്നു. കോൺഗ്രസ് അടക്കം യുഡിഎഫിലെ പ്രധാന ഘടകകക്ഷികൾക്കെല്ലാം താൽപര്യം. ദേശീയ അധ്യക്ഷൻ ശരത് പവാറിന്റെ അനുമതി. ശരത് പവാറിനൊപ്പം പോയി തിരികെ കോൺഗ്രസിലെത്തിയ താരീഖ് അന്‍വറാണ് ഇപ്പോൾ കേരളത്തിന്റെ ചുമതലയുള്ള ജനറൽസെക്രട്ടറി. തദ്ദേശ തിരഞ്ഞെടുപ്പിൽ മാനം കാക്കാൻ കഴിയുന്നത്ര സീറ്റും ലഭിക്കുമായിരുന്നു. പിന്നെ എന്തുകൊണ്ട് അന്ന് വേണ്ടെന്ന് വച്ചുു

ഉപതിരഞ്ഞെടുപ്പിൽ പാല പിടിച്ചു. അത് മാത്രമല്ല ഒൻപത് പഞ്ചായത്തും പാല നഗരസഭയും പിടിച്ചാണ് അന്ന് വിജയിച്ചത്. എന്നിട്ടും തദ്ദേശതിരഞ്ഞെടുപ്പിൽ ലഭിച്ചത് രണ്ട് വാർഡുകൾ. ഇതേ മുന്നണിയുടെ ഭാഗമായി കഴിഞ്ഞ തവണ മത്സരിച്ചത് പതിനഞ്ചിടത്ത്. ആറിടത്ത് വിജയിച്ചു. എന്നിട്ടും ഒപ്പം നിന്നു. എൽഡിഎഫിൽ നിന്ന് യുഡിഎഫിലേക്ക് ചേക്കേറുന്നകാര്യത്തിൽ രണ്ടു തട്ടിലായിരുന്നു എംഎൽഎമാർ. ഇപ്പോഴും അതേ തട്ടുകളിൽ തന്നെയാണ്. പാർട്ടി പിളർന്നാലും വേണ്ടില്ല കാര്യങ്ങൾ തുറന്ന് പറയാൻ ഇപ്പോൾ ധൈര്യം കാണിച്ചത് എന്തുകൊണ്ടാണ്.

ചില കോൺഗ്രസ് നേതാക്കൾ ഈ നീക്കത്തെ ഇപ്പോൾ എതിർക്കുന്നുണ്ടെങ്കിലും ജനുവരിയിൽ സോണിയഗാന്ധി സജീവരാഷ്ട്രീയത്തിൽ നിന്ന് പിൻമാറും. കോൺഗ്രസ് പ്രസിഡണ്ട് സ്ഥാനം കൈമാറും. അത് ആർക്കെന്ന് ഇപ്പോൾ പറയാൻ സാധിക്കില്ലെങ്കിലും സോണിയ വഹിക്കുന്ന യുപിഎ ചെയർപേഴ്സൺ സ്ഥാനം കൈമാറുന്നത് ശരത് പവാറിന് തന്നെയാകും. രാഹുൽ ഗാന്ധിയെന്നല്ല കോൺഗ്രസിൽ നിന്ന് ആരുടെ പേര് നിർദ്ദേശിച്ചാലും ഘടകകക്ഷികൾ അംഗീകരിക്കില്ല. ഇതിന് തടയിടാനുള്ള അവസാന ശ്രമമെന്ന നിലയ്ക്കാണ് ചില കോൺഗ്രസ് നേതാക്കൾ തന്നെ ശരത് പവാർ യുപിഎ ചെയർമാനാകുമെന്ന വാർത്ത പ്രചരിപ്പിക്കുന്നതും. ശരത് പവാർ യുപിഎയുടെ കടിഞ്ഞാൺ ഏറ്റെടുത്ത് കഴിഞ്ഞാൽ പിന്നെ അദ്ദേഹത്തിന്റെ സംസ്ഥാനഘടകത്തിന് കേരളത്തിൽ എൽഡിഎഫിന്റെ ഭാഗമായി നിന്ന് യുഡിഎഫിനെതിരെ പോരാടാൻ സാധിക്കില്ല. അതുകൊണ്ടാണ് ശരത് പവാർ തന്നെ മുന്നണി മാറ്റത്തിനുള്ള സമയം കുറിച്ചത്. ആ നടപടി ജനുവരിക്കപ്പുറം പോകില്ല. ശരത് പവാറിന്റെ പുതിയ സ്ഥാനാരോഹണവും.