OK ഗുഡ്നൈറ്റ്; അറസ്റ്റിലായതിന് പിന്നാലെ ബിനീഷ് കോടിയേരിയെ ട്രോളി പി.കെ ഫിറോസ്

OK ഗുഡ്നൈറ്റ് എന്ന രണ്ട് വാക്ക് മാത്രമാണ് പി.കെ.ഫിറോസ് ഫേസ്ബുക്കിൽ എഴുതിയത്. ഈ രണ്ട് വാക്കിന് പിന്നാലെയുള്ള സംഭവം ഇങ്ങനെയാണ്. ലഹരിമരുന്ന് കേസുമായി ബന്ധപ്പെട്ട് ബിനീഷും പ്രതിയായ കൊ​ച്ചി സ്വ​ദേ​ശി അനൂപ് മുഹമ്മദും തമ്മിലുള്ള ഇടപാട്​ സെപ്​റ്റംബര്‍ 2 നാണ് പി.കെ ഫിറോസ്​ വാര്‍ത്തസമ്മേളനത്തില്‍ ഉന്നയിച്ചത്.

പി.കെ ഫിറോസ് വാർത്താസമ്മേളനം ആരംഭിച്ചപ്പോൾ തന്നെ ബിനീഷ് കോടിയേരി ഫേസ്ബുക്കിൽ 'ഓക്കെ, ​ഗുഡ്നൈറ്റ്' എന്നാണ് പ്രതികരിച്ചത്. സോഷ്യൽമീഡിയയിൽ അടക്കം ഏറെ ചർച്ചയാകുകയും ചെയ്തിരുന്നു. ഇതിനുളള മറുപടിയായാണ് ബിനീഷ് അറസ്റ്റിലായതിന് പിന്നാലെ പി.കെ ഫിറോസ് അതേ വാചകങ്ങൾ ഫേസ്ബുക്കിൽ കുറിച്ചത്.