"കേരളത്തിലെ ചില കോൺ​ഗ്രസ് നേതാക്കൾ സ്ത്രീ സുരക്ഷയ്ക്ക് ഭീഷണി, അവരെ സൂക്ഷിക്കണം": പ്രധാനമന്ത്രി നരേന്ദ്രമോദി

പാലക്കാട് എംഎൽഎ സ്ത്രീസുരക്ഷയ്ക്ക് അപകടം സൃഷ്ടിക്കുകയാണ്. കോൺ​ഗ്രസ് എംഎൽഎയും നേതാവും തന്നെ സ്ത്രീകളോട് മോശമായി പെരുമാറി. ഇതാണ് കോൺ​ഗ്രസിന്റെ യഥാർത്ഥമുഖം. രണ്ട് പേരെയും പുറത്താക്കേണ്ടിവന്നു. സ്ത്രീവിരുദ്ധതയുടെ പേരിൽ പാർ‌ട്ടിയിൽ നിന്ന് പുറത്തായി. ഇവരെ സൂക്ഷിക്കണമെന്നാണ് കേരളത്തിലെ സ്ത്രീകളോട് പറയാനുള്ളത്. ബിജെപി എന്നും സ്ത്രീകളെ ആദരിക്കുകയും സംരക്ഷിക്കുയും ചെയ്യുന്ന പാർട്ടിയാണെന്നും പ്രധാനമന്ത്രി പറഞ്ഞു.

പശ്ചിമേഷ്യയിലെ സംഘർത്തിൽ ഇന്ത്യൻ പൗരന്മാരുടെ സുരക്ഷയെ കുറിച്ചും പ്രധാനമന്ത്രി പരാമർശിച്ചു. പ്രവാസികളെ കേന്ദ്രസർക്കാർ എന്നും സംരക്ഷിക്കും. ​ഗൾഫിലെ രാഷ്ട്രത്തലവന്മാരുമായി നിരന്തരം സമ്പർക്കം പുലർത്തുന്നുണ്ട്. ലക്ഷക്കണക്കിന് മലയാളികൾ യുദ്ധമേഖലയിൽ അകപ്പെട്ടിട്ടും കോൺ​ഗ്രസ് രാഷ്ട്രീയം കളിക്കുകയാണെന്നും പ്രധാനമന്ത്രി പറഞ്ഞു.

ഇടതുവലത് പാർട്ടികൾ ഒത്തുകളിക്കുകയാണ്. കേരളത്തിലെ യുവാക്കൾക്കും സ്ത്രീകൾക്കും കർഷകർക്കും എൻഡിഎയോടും ബിജെപിയോടുമാണ് സ്നേഹം. കേരളത്തിലെ രണ്ട് മുന്നണികൾക്കും ബിജെപിയെ ഭയമാണെന്നും അദ്ദേഹം കൂട്ടിച്ചേർത്തു.