Kerala Police Amendment Act | 'മാധ്യമ മാരണ ഓര്ഡിനന്സ് നടപ്പാക്കില്ലെന്ന മുഖ്യമന്ത്രിയുടെ പ്രസ്താവന തട്ടിപ്പ്': രമേശ് ചെന്നിത്തല
- Published by:Aneesh Anirudhan
- news18-malayalam
Last Updated:
നടപ്പിലാക്കില്ലെന്ന് സര്ക്കാര് പറഞ്ഞാലും അത് നിയമമായി നിലനില്ക്കുന്ന കാലത്തോളം പൊലീസിന് ഇതുപയോഗിച്ച് കേസുകള് രജിസ്റ്റര് ചെയ്യാം.
തിരുവനന്തപുരം: മാധ്യമങ്ങളെയും സമൂഹിക മാധ്യമങ്ങളെയും രാഷ്ട്രീയവിമര്ശകരെയും നിശബ്ദരാക്കാന് സര്ക്കാര് കൊണ്ടുവന്ന മാധ്യമ മാരണ ഓര്ഡിനന്സ് നടപ്പാക്കില്ലെന്ന മുഖ്യമന്ത്രിയുടെ പ്രസ്താവന തട്ടിപ്പാണെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു. മാധ്യമ മാരണ നിയമം പിന്വലിക്കാൻ തയാറാകുകയാണ് സർക്കാർ ചെയ്യേണ്ടതെന്നും അദ്ദേഹം പറഞ്ഞു. ഗവര്ണ്ണര് ഒപ്പിട്ടതോടെ ഓർഡിനൻസ് നിയമമായി. ഒരു നിയമം നിലവില്വന്നശേഷം അത് നടപ്പാക്കില്ലന്ന് മുഖ്യമന്ത്രിക്കല്ല ആര്ക്കും പറയാന് കഴിയില്ലെന്നും ചെന്നിത്തല ചൂണ്ടിക്കാട്ടി.
നിയമം നടപ്പാക്കില്ലെന്ന പിണറായിയുടെ പ്രസ്താവന ജനങ്ങളെ കബളിപ്പിക്കാന് വേണ്ടി മാത്രമാണ്. പൊലീസ് ആക്ടിലെ 118 എ എന്ന ഭേദഗതി മനുഷ്യാവകാശങ്ങളെയും ഭരണഘടന നല്ഡകുന്ന ഉറപ്പു നല്കുന്ന മൗലികാവകാശങ്ങളെയും ലംഘിക്കുന്നതാണ്. ഭരണഘടനാപരമായിത്തന്നെ നിലനില്പ്പില്ലാത്ത ഒരു ഭേദഗതിയാണ് ഈ സര്ക്കാര് കൊണ്ടുവന്നതെന്ന് ചെന്നിത്തല പറഞ്ഞു.
നടപ്പിലാക്കില്ലെന്ന് സര്ക്കാര് പറഞ്ഞാലും അത് നിയമമായി നിലനില്ക്കുന്ന കാലത്തോളം പൊലീസിന് ഇതുപയോഗിച്ച് കേസുകള് രജിസ്റ്റര് ചെയ്യാം. നടപ്പാക്കില്ലെന്ന മുഖ്യമന്ത്രിയുടെ ഉറപ്പ് ഏട്ടിലെ പശുമാത്രമാണ്. പിന്വലിക്കാതിരിക്കുന്നത് ജനങ്ങളോടുള്ള വെല്ലുവിളിയാണെന്നും രമേശ് ചെന്നിത്തല പറഞ്ഞു.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
November 23, 2020 4:47 PM IST
മലയാളം വാർത്തകൾ/ വാർത്ത/Kerala/
Kerala Police Amendment Act | 'മാധ്യമ മാരണ ഓര്ഡിനന്സ് നടപ്പാക്കില്ലെന്ന മുഖ്യമന്ത്രിയുടെ പ്രസ്താവന തട്ടിപ്പ്': രമേശ് ചെന്നിത്തല
