'സർഗ'യുടെ കാനം രാജേന്ദ്രൻ പുരസ്കാരം സലിൻ മാങ്കുഴിക്ക്

വേണാടിന്റെ ചരിത്രത്തിലെ ഏറെ അറിയപ്പെടുന്ന ഒരു ചരിത്ര സംഭവത്തിലെ കാണാക്കാഴ്ചകൾ, ഇത് വരെ ആരും അറിയാത്ത കഥകൾ അത്യപൂർവമായ ഗവേഷണ പാടവത്തോടെ കണ്ടെടുത്ത് സാധാരണ വായനക്കാരനോട് സംവദിക്കുന്ന രീതിയിൽ അവതരിപ്പിച്ച നോവൽ ആണ് എതിർവാ എന്ന് ഡോ. പി കെ രാജശേഖരൻ, രാഹുൽ രാധാകൃഷ്ണൻ, എസ് ബിനുരാജ് എന്നിവർ അടങ്ങിയ പുരസ്കാര നിർണയ സമിതി അഭിപ്രായപ്പെട്ടു.

പബ്ലിക് റിലേഷന്‍സ് വകുപ്പില്‍ അഡീഷണല്‍ ഡയറക്ടറാണ് സലിന്‍ മാങ്കുഴി. പേരാള്‍, പത യു/എ എന്നീ കഥാ സമാഹാരങ്ങളും 'ആനന്ദ ലീല' എന്ന നോവലും പ്രസിദ്ധീകരിച്ചിട്ടുണ്ട്.