വാഹനം അമിതവേഗതയിൽ ആയിരുന്നെന്ന് ദൃക്സാക്ഷികൾ; ശ്രീറാം മദ്യപിച്ചിരുന്നെന്ന് പൊലീസ്

എന്നാല്‍ വാഹനമോടിച്ചത് താനല്ലെന്നും കൂടെയുണ്ടായിരുന്ന യുവതിയാണെന്നും ശ്രീറാം വെങ്കിട്ടരാമൻ പൊലീസിനോട് പറഞ്ഞു. വാഹനം ഓടിച്ചിരുന്നത് താനാണെന്ന് യുവതിയും പറഞ്ഞു. എന്നാൽ, ശ്രീറാം വെങ്കിട്ടരാമൻ തന്നെയാണ് വാഹനം ഓടിച്ചിരുന്നതെന്നും ഇയാൾ അമിതമായി മദ്യപിച്ചിരുന്നുവെന്നും ദൃക്സാക്ഷികൾ പറഞ്ഞു. അപകടശേഷം ഡ്രൈവിംഗ് സീറ്റില്‍ നിന്ന് ഇറങ്ങിയത് ശ്രീറാം വെങ്കിട്ടരാമൻ തന്നെ ആയിരുന്നുവെന്നും ഇവർ വ്യക്തമാക്കി

അപകടത്തെ തുടർന്നുള്ള നടപടിക്രമങ്ങളിലും പൊലീസിന് ഗുരുതരമായ വീഴ്ച സംഭവിച്ചു. കാറിലുണ്ടായിരുന്ന യുവതിയെ വൈദ്യപരിശോധന നടത്താതെ പൊലീസ് വിട്ടയച്ചു. പൊലീസ് തന്നെ ടാക്‌സി വിളിച്ചാണ് യുവതിയെ കയറ്റിവിട്ടത്. ആരാണ് വാഹനം ഓടിച്ചത് എന്നതില്‍ അവ്യക്തത ഉള്ളതിനാലാണ് യുവതിയെ പോകാന്‍ അനുവദിച്ചതെന്നാണ് മ്യൂസിയം എസ്‌ഐ ജയപ്രകാശിന്റെ വാദം.