ഐ.ബി. ഉദ്യോഗസ്ഥയുടെ മരണം; സുകാന്ത് സുരേഷിന്റെ മുന്‍കൂര്‍ ജാമ്യാപേക്ഷ ഹൈക്കോടതി തള്ളി

സുകാന്ത് സുരേഷ് ഒരേസമയം നിരവധി സ്ത്രികളുമായി ബന്ധം പുലര്‍ത്തിയിരുന്നു.

മേഘയും സുകാന്തും തമ്മിലെ ടെലിഗ്രാം ചാറ്റ് പുറത്തുവന്നിരുന്നു. മേഘയോട് 'നീ മരിക്കണം' എന്നാവശ്യപ്പെട്ട സുകാന്ത് എന്ന് മരിക്കുമെന്ന് ചോദിച്ചു തിയതി വരെ മേഘയെക്കൊണ്ട് പറയിപ്പിച്ചിരുന്നു. എന്നാൽ, സുകാന്തിന് നൽകിയ തിയതിക്കും മുൻപേ മേഘ ജീവനൊടുക്കി. മേഘയെ സുകാന്ത് ഭീഷണിപ്പെടുത്തുകയും സാമ്പത്തികമായി ചൂഷണം ചെയ്തുവെന്നും മേഘയുടെ പിതാവ് മധുസൂദനൻ മുൻപ് ആരോപിച്ചിരുന്നു. മേഘയുടെ മുഴുവൻ ശമ്പളവും തന്റെ അക്കൗണ്ടിലേക്ക് മാറ്റിയതായി മേഘയുടെ ബാങ്ക് സ്റ്റേറ്റ്‌മെന്റുകളിൽ രേഖപ്പെടുത്തിയിട്ടുണ്ടെന്ന് അദ്ദേഹം ആരോപിച്ചു.

മേഘയുടെ മരണശേഷം സുകാന്ത് ഫോൺ സ്വിച്ച് ഓഫ് ചെയ്ത് കുടുംബത്തോടൊപ്പം ഒളിവിൽ പോയി. അന്വേഷണത്തിനായി നേരത്തെ പോലീസ് സ്ഥലത്തെത്തിയപ്പോൾ മലപ്പുറത്തെ വീട് പൂട്ടിയ നിലയിലായിരുന്നു. തിരുവനന്തപുരം വിമാനത്താവളത്തിലെ ജോലി കഴിഞ്ഞ് പേട്ടയ്ക്ക് സമീപം ട്രെയിനിന് മുന്നിൽ ചാടി മേഘ ജീവനൊടുക്കുകയായിരുന്നു.