ചായ്ക്കുളം ശ്രീ ഭൂതത്താൻ ക്ഷേത്രം: ആചാരങ്ങളിലും വിശ്വാസങ്ങളിലും വേറിട്ടുനിൽക്കുന്ന തിരുവനന്തപുരത്തെ പുണ്യസങ്കേതം

ഇതിഹാസങ്ങളും കെട്ടുകഥകളുമായി ഇടചേർന്ന ചായ്ക്കുളം ശ്രീ ഭൂതത്താൻ, ദേവീ ക്ഷേത്രം. തിരുവനന്തപുരം ജില്ലയിലെ ചായ്ക്കുളത്ത് സ്ഥിതി ചെയ്യുന്ന ക്ഷേത്രത്തിൽ ഉമാമഹേശ്വരനും, ശ്രീഭദ്രയുമാണ് പ്രധാന പ്രതിഷ്ഠ. ആചാരങ്ങളിലും വിശ്വാസങ്ങളിലും തീര്‍ത്തും വ്യത്യസ്തമായ ക്ഷേത്രമാണ് ശ്രീ ഭൂതത്താൻ ദേവീ ക്ഷേത്രം. വിശ്വാസികളെ ആത്മീയതയുടെ മറ്റൊരു തലത്തിലെത്തിക്കുന്ന ഈ ക്ഷേത്രം ശൈവ തീര്‍ത്ഥാ‌ടകരുടെ പ്രധാന സങ്കേതങ്ങളിലൊന്നു കൂടിയാണ്. മൂന്ന് വർഷത്തിലൊരിക്കൽ ഓരോ ഗൃഹാങ്കണങ്ങളിലും ദൈവികവിഗ്രഹം നേരിട്ട് എഴുന്നള്ളി ചൈതന്യപൂരിതമാക്കുന്ന ദേശദർശനം എഴുന്നള്ളത്ത് ഈ ക്ഷേത്രത്തിലെ മാത്രം പ്രത്യേകതയാണ്.