അവയവദാനം പ്രോത്സാഹിപ്പിക്കാൻ 'ജീവൻ ദാനം' പദ്ധതിക്ക് മാർ ഇവാനിയോസ് കോളേജിൽ തുടക്കം

കോളേജ് ഓഡിറ്റോറിയത്തിൽ വെച്ച് നടന്ന ചടങ്ങിൽ അവയവദാനത്തിൻ്റെ പ്രാധാന്യം യുവതലമുറയിലേക്ക് എത്തിക്കുന്നതിൽ കോളേജുകൾക്ക് വലിയ പങ്കുവഹിക്കാനുണ്ടെന്ന് കളക്ടർ പറഞ്ഞു. തുടർന്ന്, തിരുവനന്തപുരം സബ് കളക്ടർ ആൽഫ്രഡ് ഒ.വി. യുടെ നേതൃത്വത്തിൽ വിദ്യാർത്ഥികൾ അവയവദാന പ്രതിജ്ഞയെടുത്തു.

ചടങ്ങിൽ കോളേജ് പ്രിൻസിപ്പൾ പ്രൊഫ. മീര ജോർജ്, ബർസാർ ഫാ. തോമസ് കയ്യാലക്കൽ, വൈസ് പ്രിൻസിപ്പൾ ഡോ. റെനി സ്കറിയ, സിസിസി ഫാക്കൽറ്റി കോർഡിനേറ്റർ ഡോ. അഭിലാഷ് ജി. രമേഷ് എന്നിവർ പങ്കെടുത്തു. വിദ്യാർത്ഥികൾക്കിടയിൽ അവയവദാനത്തെക്കുറിച്ച് കൂടുതൽ അവബോധം സൃഷ്ടിക്കുന്നതിന് 'ജീവൻ ദാനം' പദ്ധതി സഹായകമാകുമെന്ന് സംഘാടകർ അറിയിച്ചു. ജില്ലാ കളക്ടറുടെ നേതൃത്വത്തിൽ ആരംഭിച്ച ഈ പദ്ധതി, അവയവദാനത്തിനായി കൂടുതൽ പേരെ സജ്ജരാക്കാൻ ലക്ഷ്യമിട്ടുള്ള സുപ്രധാന ബോധവത്കരണ പരിപാടിയാണ്.