കൂട്ടുകാർക്കായി വിദ്യാർത്ഥികൾ ഒരുക്കിയത് രണ്ട് സ്നേഹവീടുകൾ

പൊതു വിദ്യാഭ്യാസ തൊഴിൽ വകുപ്പ് മന്ത്രി വി ശിവൻകുട്ടി വീടുകളുടെ താക്കോൽ കൈമാറി. ശ്രീനാരായണ ധർമ്മസംഘം ട്രസ്റ്റ് പ്രസിഡൻ്റ് സ്വാമി സച്ചിദാനന്ദ അദ്ധ്യക്ഷത വഹിച്ചു. ജനനറൽ സെക്രട്ടറി സ്വാമി ശുഭാംഗാനന്ദ സ്വാഗതവും ട്രഷറർ സ്വാമി ശാരദാനന്ദ അനുഗ്രഹ പ്രഭാഷണവും നടത്തി. സ്കൂൾ മാനേജർ സ്വാമി വിശാലാനന്ദ സ്നേഹസന്ദേശം നൽകി. വി ജോയി എം എൽ എ പുസ്തകത്തണൽ, പ്രഭ പദ്ധതി സമർപ്പണം എന്നിവ നിർവഹിച്ചു. നഗരസഭചെയർമാൻ കെ എം ലാജി മുഖ്യ പ്രഭാഷണം നടത്തി.

സഹജീവികളോടുള്ള സ്നേഹവും കരുണയും കലർന്ന കുട്ടികളുടെ പ്രവർത്തനത്തെ  അധ്യാപകരും അഭിനന്ദിച്ചു. വിവിധ സ്കൂളുകളിൽ ഇത്തരത്തിൽ നാഷണൽ സർവീസ് സ്കീമിൻ്റെയൊക്കെ ഭാഗമായി വിവിധതരം ചാരിറ്റി പ്രവർത്തനങ്ങൾ നടത്തിവരുന്നു. മിക്കയിടത്തും ഇതിനെല്ലാം നേതൃത്വം നൽകുന്നതും കുട്ടികൾ തന്നെയാണ് എന്നതാണ് മറ്റൊരു സവിശേഷത.