BREAKING: കൊലപ്പെടുത്തിയത് കീഴടങ്ങാൻ തയ്യാറായ മാവോയിസ്റ്റുകളെ; വെളിപ്പെടുത്തൽ

മാവോയിസ്റ്റുകള്‍ കീഴടങ്ങാന്‍ തയ്യാറായിരുന്നുവെന്ന് മുരുകൻ പറയുന്നു. മുന്‍ അഗളി എസ് പി ഇതിനുള്ള ചര്‍ച്ചകള്‍ നടത്തി. ഇതിനായി ചിലരെ ദൂതരാക്കിയിരുന്നു. ഇപ്പോള്‍ നടന്നത് വ്യാജ ഏറ്റുമുട്ടലാണെന്ന് സംശയിക്കുന്നതായും മുരുകന്‍ പറഞ്ഞു.

അട്ടപ്പാടി മഞ്ചിക്കണ്ടി വനത്തിൽവെച്ച് നാലു മാവോയിസ്റ്റുകളാണ് തണ്ടർബോൾട്ടിന്‍റെ വെടിവയ്പ്പിൽ കൊല്ലപ്പെട്ടത്. തിങ്കളാഴ്ച നടന്ന വെടിവെയ്പ്പിൽ മൂന്നുപേർ മരിച്ചു. മരിച്ചവരുടെ മൃതദേഹം ഇൻക്വസ്റ്റ് നടത്താനായി നൂറോളം വരുന്ന ഉദ്യോഗസ്ഥർ വനത്തിലെത്തിയപ്പോൾ പൊലീസിനുനേരെ വെടിവെയ്പ്പുണ്ടാകുകയും പ്രത്യാക്രമണത്തിൽ ഒരാൾ കൂടി കൊല്ലപ്പെടുകയുമായിരുന്നുവെന്നാണ് ഔദ്യോഗിക വിശദീകരണം.