കോവിഡ് വാക്സിൻ ലഭ്യമായാൽ അടിയന്തിരമായി ജനങ്ങളിൽ എത്തിക്കും; തൊഴിലുറപ്പുകാർക്ക് പണി കുറയില്ലെന്ന് ഉറപ്പ്; വൻ വാഗ്ദാനങ്ങളുമായി യുഡിഎഫ് പ്രകടന പത്രിക

Also Read-Local Body Election 2020 | കോവിഡ് രോഗികൾ സ്പെഷൽ വോട്ടർമാർ; വോട്ടു ചെയ്യാനുള്ള മാർഗ നിർദേശങ്ങളായി

പുനർജനിക്കുന്ന ഗ്രാമങ്ങൾ, ഉണരുന്ന നഗരങ്ങൾ എന്ന മുദ്രാവാക്യവുമായാണ് യു.ഡി.എഫ്. പ്രകടന പത്രിക. കോവിഡ് പ്രതിരോധത്തിന് പോലും  ആവശ്യമായ ഫണ്ട് നൽകാതെ തദ്ദേശ സ്ഥാപനങ്ങളെ സർക്കാർ വീർപ്പുമുട്ടിച്ചുവെന്ന് പ്രകടനപത്രിക കുറ്റപ്പെടുത്തുന്നു. തദ്ദേശ സ്ഥാപനങ്ങളുടെ അധികാരങ്ങൾ വിപുലപ്പെടുത്തും. കാരുണ്യ പദ്ധതി എല്ലാ അർത്ഥത്തിലും പുനസ്ഥാപിക്കും. ഡിജിറ്റൽ ഡിവൈഡ് നികത്താനായി പദ്ധതികൾ ആവിഷ്കരിക്കും.  അഞ്ചാം ധനകാര്യ കമ്മീഷൻ റിപ്പോർട്ടിലെ നിർദ്ദേശങ്ങൾ നടപ്പിലാക്കുമെന്നുമാണ് യുഡിഎഫ് ഉറപ്പുനൽകുന്നത്.

മത്സ്യതൊഴിലാളി കുടുംബങ്ങളിലെ കുട്ടികൾക്ക് പ്രത്യേക പഠന സൗകര്യം, സ്ത്രീ ശാക്തീകരണം , പഞ്ചായത്തുകളിൽ തർക്കപരിഹാരത്തിനായി ന്യായ കാര്യാലയങ്ങൾ, വിശപ്പിനോട് വിട പദ്ധതി, തദ്ദേശ സ്ഥാപന ആസ്ഥാനങ്ങളിൽ സൗജന്യ വൈഫൈ തുടങ്ങിയവയാണ് യുഡിഎഫ് മുന്നോട്ടു വയ്ക്കുന്നത്. കോവിഡ് വാക്സിൻ ലഭ്യമായാൽ എല്ലാ വാർഡുകളിലും qഎത്തിക്കുമെന്ന് പ്രകട പത്രികയിൽ പ്രത്യേകം പരാമർശിക്കുന്നുണ്ട്.

Also Read- സംസ്ഥാനത്തെ ആറ് സർക്കാർ ആശുപത്രികൾക്കു കൂടി ദേശീയ അംഗീകാരം; പ്രാഥമിക ആരോഗ്യകേന്ദ്രങ്ങളിൽ ആദ്യ 12 എണ്ണവും കേരളത്തിൽനിന്ന്

ഗ്രാമവാർഡ് സഭകൾ ഊർജിതമാക്കും

പെൻഷൻ വാങ്ങുന്നവർക്ക് സാങ്കേതിക തടസ്സങ്ങൾ ഒഴിവാക്കി പെൻഷൻ വാങ്ങുന്ന നടപടികൾ സുഗമമാക്കും

ജാഗ്രതാ സമിതികൾ ക്രിയാത്മകമാക്കികൊണ്ട് കുട്ടികൾക്കും സ്ത്രീകൾക്കും നേരെയുള്ള അതിക്രമങ്ങൾ ഇല്ലാതാക്കും

മത്സ്യത്തൊഴിലാളികൾക്ക് എസ് സി പി മാതൃകയിൽ പദ്ധതി

മത്സ്യത്തൊഴിലാളി കുടുംബങ്ങളിലെ കുട്ടികൾക്ക് പ്രത്യേക പഠന സൗകര്യം. അവർക്ക് ഓൺലൈൻ വിദ്യാഭ്യാസം ഉറപ്പുവരുത്തും

തെരുവുനായ്ക്കളെ നിയന്ത്രിക്കുന്നതിന് ഗ്രാമ പഞ്ചായത്തുകളും നഗരസഭകളും ശാസ്ത്രീയമായ നടപടി സ്വീകരിക്കും.

കൂടുതൽ പൊതു ശൗചാലയങ്ങൾ തുടങ്ങും