മൂന്നു തവണ മാറ്റി വെച്ച മൂന്നാർ-ബോഡിമെട്ട് റോഡ് ഉദ്ഘാടനം ജനുവരി 5ന്

ഇടുക്കി: കൊച്ചി-ധനുഷ്കോടി ദേശീയപാതയിൽ നവീകരിച്ച മൂന്നാർ-ബോഡിമെട്ട് റോഡിന്റെ ഉദ്ഘാടനം ജനുവരി 5ന് കേന്ദ്ര ഉപരിതല ഗതാഗത വകുപ്പു മന്ത്രി നിതിൻ ഗഡ്കരി നിർവഹിക്കും. മൂന്നു തവണ മാറ്റിവച്ച ഉദ്ഘാടനമാണ് ജനുവരി 5ന് നടത്താൻ ഒടുവിൽ തീരുമാനിച്ചത്. ചെറുതോണി പാലത്തിന്റെ ഉദ്ഘാടനവും മൂന്നാറിലെ ചടങ്ങിൽ കേന്ദ്രമന്ത്രി നിർവഹിക്കും. ജനുവരി 5-ന് വൈകിട്ട് 4ന് പഴയ മൂന്നാർ കെഡിഎച്ച്പി കായിക മൈതാനത്താണ് ഉദ്ഘാടന വേദി.