ഒരേ സമയം രണ്ട് കമ്പനികളിൽ ജോലി ചെയ്യുന്നുണ്ടോ? തലച്ചോറിനെയും ഹൃദയത്തെയും ഗുരുതര രോഗങ്ങൾ ബാധിക്കാം

കോവിഡിന് ശേഷം നമുക്ക് സുപരിചിതമായതും വാർത്തകളിൽ ഏറെ ഇടംപിടിച്ചതുമായ ഒരു വാക്കായിരുന്നു ‘മൂൺലൈറ്റിംഗ്’. ഒരു സ്ഥിര ജോലിയിലിരിക്കെ അധിക വരുമാനത്തിനായിആളുകൾ മറ്റ് സൈഡ് ജോലികൾ ചെയ്യുന്നതിനെയാണ് ‘മൂൺലൈറ്റിംഗ്’ എന്ന് പറയുന്നത്. ഇത് നിങ്ങളുടെ യഥാർത്ഥ ജോലിയെ ബാധിക്കും എന്നതായിരുന്നു മുൻപ് കണ്ടെത്തിയപ്രധാന പ്രശ്നം. എന്നാൽ ഇപ്പോൾ ഇത് ജോലിയെ മാത്രമല്ല നിങ്ങളുടെ തലച്ചോറിന്റെയും ഹൃദയത്തിന്റെയും ആരോഗ്യത്തെ കൂടി ബാധിക്കുമെന്നാണ് കണ്ടെത്തൽ. ‘മൂൺലൈറ്റിംഗ്’ മൂലമുണ്ടാകുന്ന അമിത ജോലിഭാരവും സമ്മർദ്ദവും മസ്തിഷ്കാഘാതത്തിനോ ഹൃദയാഘാതത്തിനോ ചിലപ്പോൾ കാരണമായേക്കാം. രാജ്യത്തെ പ്രധാന ഐടി മേഖലകൾ പ്രവർത്തിക്കുന്ന ഹൈദരാബാദിലെ ഒരു കൂട്ടം വിദഗ്ധ ഡോക്ടർമാരാണ് ഒരേസമയം ഒന്നിലധികം ജോലിയിൽ ചെയ്യുന്ന ആളുകൾക്ക് ഈ മുന്നറിയിപ്പ് നൽകിയിരിക്കുന്നത്.