Vishu 2025: എന്താണ് വിഷു? ഐതീഹ്യമറിഞ്ഞ് ആഘോഷമാക്കാം

ഓണം കഴിഞ്ഞാൽ മലയാളികൾ ഏറ്റവും കൂടുതൽ ആഘോഷിക്കുന്ന മറ്റൊന്നാണ് വിഷു. ഓണമായാലും വിഷുവായാലും അത് സമ്മാനിക്കും ​ഗൃഹാതുരത്വം ഉണർത്തുന്ന ഓർമ്മകൾ കൂടിയാണ്. മലയാളികളുടെ കാർഷികോത്സവവും പുതുവർഷവുമായ വിഷു ഒരു പുതിയ തുടക്കമാണ്. ആണ്ടുപിറവി എന്നറിയപ്പെടുന്ന വിഷു സൂര്യൻ നേരെ കിഴക്കുദിക്കുന്ന ദിവസമാണെന്ന് രേഖപ്പെടുത്തിയിട്ടുണ്ട്. 1887-ൽ പ്രസിദ്ധീകരിക്കപ്പെട്ട വില്യം ലോഗന്റെ മലബാർ മാന്വലിൽ വിഷുവിനെ നവവർഷദിനമായി കണക്കാക്കുന്നു. വിഷുവുമായി ബന്ധപ്പെട്ട് പ്രധാനമായും രണ്ട് ഐതീഹ്യങ്ങളാണ് ഉള്ളത്. ഒന്ന് മഹാവിഷ്ണുവിന്റെ അവതാരമായ ശ്രീകൃഷ്ണനെ അടിസ്ഥാനമാക്കിയും മറ്റൊന്ന് രാമായണത്തിലെ രാവണനെ അടിസ്ഥാനമാക്കിയും.