അക്ഷയ തൃതീയ 2024: ഇന്ന് ഈ കാര്യങ്ങൾ ചെയ്താൽ ഭാഗ്യവും ഐശ്വര്യവും വന്നുചേരുമോ ?

ഇന്ന് അക്ഷയ തൃതീയ. ഹിന്ദു വിശ്വാസം അനുസരിച്ച് അഖ തീജ് എന്ന് കൂടി അറിയപ്പെടുന്ന അക്ഷയ തൃതീയ ദിനം ഈ വർഷം മെയ് 10 നാണ്. പുരാണ ഗ്രന്ഥങ്ങൾ പ്രകാരം സത്യയുഗം അവസാനിക്കുകയും ത്രേതായുഗം ആരംഭിക്കുകയും ചെയ്തത് ഈ ദിവസത്തിലാണ്. ഹിന്ദു മത വിശ്വാസികളെ സംബന്ധിച്ചിടത്തോളം ഏറെ പ്രത്യേകതകൾ ഈ ദിവസത്തിനുണ്ട്. ഈ ദിവസം ഒരു ബിസിനസ്സ് ആരംഭിക്കുകയോ, വസ്തുവകകൾ, ആഭരണങ്ങൾ, വാഹനങ്ങൾ എന്നിവ വാങ്ങുകയോ ചെയ്യുന്നത് കുടുംബത്തിലേക്ക് സമ്പത്തും വിജയവും കൊണ്ടുവരുമെന്ന് വിശ്വസിക്കപ്പെടുന്നു. ഭാവിയിൽ ഉയർന്ന സാമ്പത്തിക സ്ഥിതി കൈവരിക്കാൻ ഈ ദിവസം ആളുകൾ സ്വർണം വാങ്ങാനായും തിരഞ്ഞെടുക്കുന്നു.