കോട്ടയം പാതയിലെ അറ്റകുറ്റപ്പണി; ആറ്‌ തീവണ്ടികൾ ഇന്ന് ആലപ്പുഴ വഴി തിരിച്ചുവിടും

Published by:Rajesh V
news18-malayalam

Last Updated:Aug 08, 2023 8:16 AM IST

എറണാകുളം നോർത്ത് സ്റ്റേഷനിൽ കോട്ടയം ഭാഗത്തേക്കുള്ള പാളം തിരിയുന്ന ഭാഗത്ത് ആധുനിക സജ്ജീകരണം ഏർപ്പെടുത്തും

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

തിരുവനന്തപുരം: റെയിൽപാളത്തില്‍ അറ്റകുറ്റപ്പണി നടക്കുന്നതിനാൽ തിരുവനന്തപുരം- കോട്ടയം പാതയിലൂടെയുള്ള ആറ് തീവണ്ടികൾ ഇന്ന് ആലപ്പുഴ വഴി തിരിച്ചുവിടും. എറണാകുളം നോർത്ത് സ്റ്റേഷനിൽ കോട്ടയം ഭാഗത്തേക്കുള്ള പാളം തിരിയുന്ന ഭാഗത്ത് ആധുനിക സജ്ജീകരണം ഏർപ്പെടുത്തുകയാണ്. തിങ്കളാഴ്ച മുതൽ അറ്റകുറ്റപ്പണി ആരംഭിച്ചിരുന്നു. ചൊവ്വാഴ്ച രാത്രി ഈ ഭാഗത്ത് എത്തുന്ന തീവണ്ടികളാണ് ആലപ്പുഴ വഴി തിരിച്ചുവിടുന്നത്.

Also Read- ഓഫീസിലിരുന്നുള്ള ജോലിയ്ക്ക് പ്രിയമേറുന്നു; കാര്യക്ഷമമായി ജോലി ചെയ്യാന്‍ വര്‍ക്ക് ഫ്രം ഓഫീസ് സഹായിക്കുന്നുവെന്ന് പഠനം

മംഗളൂരൂ സെൻട്രൽ- തിരുവനന്തപുരം സെൻട്രൽ മംഗളൂരു സെൻട്രൽ (16348), മധുരൈ-തിരുവനന്തപുരം സെൻട്രൽ (16344), നിലമ്പൂർ റോഡ്-കൊച്ചുവേളി രാജ്യറാണി (16350), തിങ്കളാഴ്ച യാത്രതിരിച്ച ഹസ്രത്ത് നിസാമുദീൻ-തിരുവനന്തപുരം സെൻട്രൽ സൂപ്പർഫാസ്റ്റ് (22654), ഡോ. എംജിആർ ചെന്നൈ സെൻട്രൽ-തിരുവനന്തപുരം സെൻട്രൽ സൂപ്പർഫാസ്റ്റ് (12695), മംഗളൂരൂ സെൻട്രൽ-തിരുവനന്തപുരം സെൻട്രൽ (16630) എന്നീ തീവണ്ടികൾ ആലപ്പുഴ വഴിയാകും യാത്ര ചെയ്യുക.

Also Read- മുറിവുണങ്ങാത്ത നാടും നാട്ടുകാരും; നിലമ്പൂർ കവളപ്പാറ ഭൂദാനം മണ്ണിടിച്ചിൽ ദുരന്തത്തിന് നാല് വർഷം

ഈ ട്രെയിനുകൾക്ക് ചേർത്തല, ആലപ്പുഴ, ഹരിപ്പാട് എന്നിവിടങ്ങളിൽ സ്റ്റോപ്പുണ്ടാകും. പാളങ്ങൾ തമ്മിൽ യോജിക്കുന്ന ജംഗ്ഷനുകളിൽ കൂടുതൽ വേഗം കൈവരിക്കാൻ കഴിയുന്ന സംവിധാനമാണ് ഒരുക്കുന്നതെന്നും റെയിൽവേ അറിയിച്ചു.

Summary: Due to track maintenance, six trains on the Thiruvananthapuram – Kottayam route will be diverted via Alappuzha on Tuesday