Tata Punch SUV Unveiled | ടാറ്റ പഞ്ച് ചെറു എസ്.യു.വി പുറത്തിറക്കി; ഇന്നു മുതൽ ബുക്ക് ചെയ്യാം

രാജ്യത്തെ വാഹന വിപണിയിൽ സാന്നിദ്ധ്യം ഊട്ടിയുറപ്പിക്കുക എന്ന ലക്ഷ്യത്തോടെ പുതിയൊരു മിനി എസ്.യു.വി കൂടി ടാറ്റ പുറത്തിറക്കി. പഞ്ച് എന്ന വിളിപ്പേരിൽ അറിയപ്പെടുന്ന പുതിയ മിനി എസ്.യു.വി ഒട്ടനവധി ഫീച്ചറുകളുമായാണ് എത്തുന്നത്. ടാറ്റ പഞ്ച് എസ്‌യുവി ശ്രേണിയിൽ നെക്‌സോണിന് താഴെ ആയിരിക്കും സ്ഥാനം. വാഹനം ഇന്ന് ഔദ്യോഗികമായി പുറത്തിറക്കിയെങ്കിലും വില വിവരങ്ങൾ പുറത്തുവന്നിട്ടില്ല. എന്നാൽ ടാറ്റയുടെ ആൾട്രോസിന്‍റെയും ടിഗോറിന്‍റെയും റേഞ്ചിലായിരിക്കും പഞ്ചിന്‍റെ വില എന്നാണ് സൂചന. നിലവിൽ രാജ്യത്തെ മൈക്രോ എസ്.യു.വി വിഭാഗത്തിൽ മഹീന്ദ്ര KUV100 NXT മാത്രമാണുള്ളത്. ഈ വിഭാഗത്തിലേക്കാണ് പുതിയ അതിഥിയായി പഞ്ച് എത്തുന്നത്. ഈ വിഭാഗത്തിൽ അടുത്ത വർഷം ഹ്യുണ്ടായ് കാസ്പറിന്റെ ലോഞ്ച് ഉണ്ടാകുമെന്ന റിപ്പോർട്ട് നേരത്തെ പുറത്തു വന്നിരുന്നു.