Nitin Gadkari | ഡീസല്‍ വാഹനങ്ങള്‍ക്ക് 10 % അധിക ജിഎസ്ടി ഈടാക്കുമെന്ന പ്രസ്താവന കേന്ദ്രമന്ത്രി നിതിന്‍ ഗഡ്കരി പിൻവലിച്ചു

മുംബൈ: ഡീസൽ വാഹനങ്ങൾക്ക് 10 ശതമാനം അധിക ജിഎസ്ടി നിർദേശിച്ച് ചൊവ്വാഴ്ച രാവിലെ നടത്തിയ പരാമർശം ഗതാഗത മന്ത്രി നിതിൻ ഗഡ്കരി പിൻവലിച്ചു. മലിനീകരണം ഗുരുതരമായ പ്രശ്‌നമാണെന്നും അത് ആരോഗ്യത്തിന് ഭീഷണിയാകുന്നതിനാലും ഇന്ന് വൈകിട്ട് ധനമന്ത്രിയെ കാണുമെന്നും വരും സമയങ്ങളിൽ ഡീസലിന് 10 ശതമാനം അധിക ജിഎസ്ടി ചുമത്തണമെന്ന് അഭ്യർത്ഥിക്കുമെന്നുമാണ് ഗഡ്കരി കഴിഞ്ഞ ദിവസം പറഞ്ഞിരുന്നത്. എന്നാൽ “അത്തരമൊരു നിർദ്ദേശം നിലവിൽ സർക്കാരിന്റെ സജീവ പരിഗണനയിലില്ല”- എന്നാണ് നിതിൻ ഗഡ്കരി ഇപ്പോൾ വ്യക്തമാക്കുന്നത്.