SIP | ദിവസം 100 രൂപ മാറ്റി വെക്കാൻ റെഡി ആണോ? നാല് കോടി രൂപ സമ്പാദിക്കാം; നിക്ഷേപം നടത്തേണ്ടത് ഇങ്ങനെ

ജീവിതത്തിൽ എത്ര നേരത്തേ സമ്പാദ്യ ശീലം ആരംഭിക്കുന്നുവോ അത്രയും നേരത്തേ നിങ്ങൾക്ക് സാമ്പത്തിക ഭദ്രത കൈവരിക്കാൻ സാധിക്കും. ഇതിനായി പലരും പല നിക്ഷേപ പദ്ധതികളെയാണ് ആശ്രയിക്കാറുള്ളത്. ഗ്യാരന്റീഡ് റിട്ടേൺ ഇൻവെസ്റ്റ്‌മെന്റുകളുമായി (Guaranteed Return Investment) താരതമ്യം ചെയ്യുമ്പോൾ മാർക്കറ്റ് ലിങ്ക്ഡ് (Market -Linked Return ) റിട്ടേണുകളുള്ള നിക്ഷേപ പദ്ധതികൾക്കാണ് സ്വീകാര്യത കൂടുതൽ. പലിശ നിരക്ക് സ്ഥിരമാണ് എന്നതാണ് കൂടുതൽ ആളുകളും ഇത് തിരഞ്ഞെടുക്കാൻ കാരണം. മ്യൂച്വൽ ഫണ്ട് (Mutual Fund) മുഖേനയുള്ള സിസ്റ്റമാറ്റിക് ഇൻവെസ്റ്റ്മെന്റ് പ്ലാനുകൾ (SIP) കഴിഞ്ഞ അഞ്ചു വർഷത്തിനിടയിൽ വളരെ വേഗം ജനപ്രിയമായ നിക്ഷേപ പദ്ധതിയാണ്. ഒറ്റത്തവണ പണം നൽകുന്ന ലംപ് സം (Lump Sum) പ്ലാനുകളെക്കാൾ എസ്ഐപി (SIP) പ്ലാനുകൾക്ക് മൂലധന നേട്ടം കൂടുതലാണ്. എസ്ഐപി വഴിയുള്ള ദീർഘകാല നിക്ഷേപങ്ങൾക്ക് ലഭിക്കുന്ന റിട്ടേണുകൾ നിങ്ങളുടെ പ്രിൻസിപ്പൽ എമൌണ്ടിന്റെ (Principal Amount ) പല മടങ്ങായിരിക്കും.