'ബന്ധുവിന്റെ വായ്പ അടക്കണമെന്ന് ഭീഷണി'; എച്ച്ഡിഎഫ്സി ബാങ്കിനെതിരെ പരാതിയുമായി യുവാവ്

ബന്ധുവിന്റെ വായ്പ അടക്കണമെന്നു പറഞ്ഞ് എച്ച്‌ഡിഎഫ്‌സി ബാങ്ക് ലോൺ റിക്കവറി ഏജന്റുമാരിൽ നിന്ന് തനിക്ക് ഭീഷണി കോളുകൾ വരുന്നുവെന്ന പരാതിയുമായി മുംബൈ സ്വദേശി. ഇയാളുടെ ബന്ധു 3,500 രൂപ ഇഎംഐ അടയ്‌ക്കാനുണ്ടെന്നു പറഞ്ഞാണ് ഭീഷണിയെന്നും വിളിക്കുന്നയാൾ നേഹ എന്ന് സ്വയം പരിചയപ്പെടുത്തി ആൾ തന്റെ പിതാവിനെയും മുത്തച്ഛനെയും വരെ വിളിച്ച് ഭീഷണിപ്പെടുത്തിയതായും അപകീർത്തിപരമായ രീതിയിൽ സംസാരിച്ചതായും പരാതിക്കാരൻ പറയുന്നു. എന്നാൽ തനിക്ക് ഇങ്ങനൊരു ബന്ധുവിനെ അറിയുക പോലുമില്ലെന്നും മുംബൈ സ്വദേശിയായ യാഷ് മേത്ത പറയുന്നു. ഏണസ്റ്റ് ആൻഡ് യങ്ങ് കമ്പനിയിലെ ബിസിനസ് കൺസൾട്ടന്റാണ് യാഷ്. സമൂഹമാധ്യമമായ എക്സിലും യാഷ് ഇക്കാര്യം പങ്കുവെച്ചിട്ടുണ്ട്.