Gold price | കയറ്റിറക്കങ്ങളുടെ ദിവസത്തിന് ശേഷം സ്വർണത്തിന് വീണ്ടും വിലയിടിഞ്ഞു; ഏറ്റവും പുതിയ നിരക്കുകൾ

Published by:meera_57
news18-malayalam

Last Updated:Feb 03, 2026 10:06 AM IST

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

ഒന്നും രണ്ടുമല്ല, മൂന്നു പ്രാവശ്യമാണ് ഇക്കഴിഞ്ഞ ദിവസം സ്വർണവില (gold price) മാറിമറിഞ്ഞത്. തൊട്ടു മുൻപത്തെ ദിവസത്തേക്കാളും 6000ത്തിലധികം രൂപയുടെ ഇടിവ് നേരിട്ട ശേഷം രാവിലെ വിപണി ഉണരുമ്പോൾ സ്വർണവില പവന് 1,11,120 രൂപയായിരുന്നു. ഉച്ചയോടെ പ്രതീക്ഷയ്ക്ക് വീണ്ടും വക നൽകി ഒരു പവന് 1,09,920 രൂപ എന്ന നിലയിലെത്തി. വൈകുന്നേരമായതും നേർവിപരീതമായി വിലകയറുകയാണ് ഉണ്ടായത്. രാവിലെ ആരംഭിച്ച വിലയേക്കാൾ 1200 രൂപ കൂടി പവന് 1,12,320 രൂപ എന്നായി. കഴിഞ്ഞ ദിവസത്തെപ്പോലെ വലിയ ഇടിവ് പറയാനില്ല എങ്കിലും, ഫെബ്രുവരി 3നും സ്വർണവില കുറഞ്ഞു തന്നെയാണ് കാണപ്പെടുന്നത്. 22കാരറ്റ് സ്വർണം ഒരു പവന് 1,11,280 രൂപയാണ് ഇന്നത്തെ വില. ഒരു ഗ്രാം സ്വർണത്തിന് ഇന്നത്തെ നിരക്ക് 13,910 രൂപയും. 22 കാരറ്റ് സ്വർണമാണ് ഈ വിലയിൽ ലഭിക്കുക.

സ്വർണവിലയിൽ സർവകാല റെക്കോർഡ് ഇട്ട മാസമായിരുന്നു കഴിഞ്ഞു പോയത്. ഒന്നേകാൽ ലക്ഷം രൂപയും പിന്നിട്ട് ടാക്‌സും പണിക്കൂലിയും ഉൾപ്പെടാത്ത സ്വർണത്തിന് വില 1,31,160 രൂപയായിരുന്നു. ജനുവരി 29നാണ് ഈ നിരക്ക് രേഖപ്പെടുത്തിയത്. എന്നാൽ, ഇതിനു പിന്നാലെ സ്വർണവിലയിൽ വലിയ ഇടിവ് നേരിടുന്ന ദിവസങ്ങളായിരുന്നു പിന്നീടുണ്ടായത്.

Summary: Although there is no big decline like the previous day, the price of gold is still seen to have decreased on February 3. 22-karat gold per pound. Today's price is Rs 1,11,280. The current rate for one gram of gold is Rs 13,910. 22-karat gold is available at this price. It was a month that set an all-time record in the price of gold. The price of gold excluding tax and processing fee was Rs 1,31,160 after exceeding one and a half lakh rupees