മഞ്ചേശ്വരത്ത് റോഡരികിൽ യുവാവിന്റെ മൃതദേഹം; കേസെടുത്ത് പൊലീസ്

ഇന്ന് പുലർച്ചെയാണ് സംഭവം. മൃതദേഹത്തിനു സമീപമായി ബൈക്കും കണ്ടെത്തിയിട്ടുണ്ട്. മഞ്ചേശ്വരം പോലീസ് നടത്തിയ പരിശോധനയിൽ അപകടം നടന്നതിന്റെ ലക്ഷണങ്ങൾ ഒന്നും  കണ്ടെത്താനായില്ല. വാഹന അപകടത്തിൽ ഉണ്ടാകുന്ന തരത്തിലുള്ള പരിക്കുകളും ഹനുമന്തന്റെ  ദേഹത്തുണ്ടായിരുന്നില്ലെന്ന്  പോലീസ് പറയുന്നു.

മംഗളൂരു കോടിയിൽ ബൈൽ വിശാൽ നഴ്സിംഗ് ഹോം ക്യാന്റീനിൽ ജീവനക്കാരനാണ് ഹനുമന്ത.  കുടുംബസമേതം  തലപ്പാടിയിലാണ്  താമസം. മഞ്ചേശ്വരം എസ് ഐ രാഘവന്റെ നേതൃത്വത്തിലുള്ള സംഘം സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി. അസ്വാഭാവിക മരണത്തിന് കേസെടുത്ത മഞ്ചേശ്വരം  പൊലീസ് അന്വേഷണം ഊർജിതമാക്കിയിട്ടുണ്ട്.