ഗൂഗിൾ ചതിച്ചാശാനേ! മാപ്പിൽ നോക്കി കാറോടിച്ചാൽ ഇങ്ങനെയിരിക്കും

വാഹനമോടിക്കുമ്പോൾ വഴി ചോദിക്കുന്ന ഏർപ്പാടൊക്കെ ഇപ്പോ പഴങ്കഥയായി. ഗൂഗിൾ മാപ്പ് നോക്കി വഴി കണ്ടെത്തുന്നതാണ് ഇപ്പോഴത്തെ ന്യൂ ജെൻ രീതി. ഡ്രൈവർമാരുടെ ഇഷ്ട ആപ്പായി ഗൂഗിൾ മാപ്പ് മാറിക്കഴിഞ്ഞു. എന്നാൽ ഗൂഗിൾ മാപ്പ് നോക്കി കാറോടിച്ചയാൾ പൂഞ്ഞാറിനടുത്ത് അപകടത്തിൽപ്പെട്ടു. എറണാകുളം സ്വദേശിയായ ജിഷ്ണു ഓടിച്ചിരുന്ന കാർ വൈദ്യുത പോസ്റ്റ് ഇടിച്ചുതകർക്കുകയായിരുന്നു. ശനിയാഴ്ച വൈകിട്ട് മൂന്നരയോടെയുണ്ടായ അപകടത്തിൽ ഇടിയുടെ ആഘാതത്തിൽ വൈദ്യുത പോസ്റ്റ് കമ്പികളുമായി കാറിന് മുകളിലേക്ക് പതിച്ചു. എന്നാൽ പോസ്റ്റ് മറിഞ്ഞുവീണപ്പോൾ കമ്പി പൊട്ടി വൈദ്യുത ബന്ധം വിച്ഛേദിക്കപ്പെട്ടതിനാൽ വൻ ദുരന്തം ഒഴിവായി.