കൊക്കയിലേക്ക് മറിഞ്ഞ ബസിന് താങ്ങായി റബർമരം; മുണ്ടക്കയത്ത് ഒഴിവായത് വൻദുരന്തം

ഇന്ന് വൈകുന്നേരം 3.20ന് ആയിരുന്നു സംഭവം. കുമളിയിൽനിന്ന് മുണ്ടക്കയത്തേക്ക് വരുകയായിരുന്ന കെ.എസ്.ആർ.ടി.സി ബസാണ് അപകടത്തിൽപ്പെട്ടത്. ചെറിയ ചാറ്റൽ മഴയെ തുടർന്ന് നിയന്ത്രണം വിട്ട ബസ് തലകീഴായി സമീപത്തെ കുഴിയിലേക്ക് മറിയുകയായിരുന്നു. എന്നാൽ റബർ മരങ്ങളിൽ തട്ടിനിന്നതിനാൽ ബസ് കുഴിയിലേക്ക് പതിച്ചില്ല. അതുവഴി പോയ യാത്രക്കാർ വാഹനം നിർത്തി രക്ഷാപ്രവർത്തനം നടത്തുകയായിരുന്നു. ബസിനുള്ളിൽ കുടുങ്ങിപ്പോയ യാത്രക്കാരെ ശ്രമകരമായാണ് പുറത്തെത്തിച്ചത്.