'നിങ്ങൾക്ക് നാണമില്ലേ പരിപാവനമായ ഈ കലാലയത്തെ ഇങ്ങനെ നശിപ്പിക്കാൻ'; SFIക്കെതിരെ വിമർശനവുമായി യൂണിവേഴ്സിറ്റി കോളജ് മുൻ വൈസ് ചെയർമാൻ

തിരുവനന്തപുരം: യൂണിവേഴ്സിറ്റി കോളജിലെ സംഘർഷവുമായി ബന്ധപ്പെട്ട് എസ് എഫ് ഐക്കെതിരെ രൂക്ഷ വിമർശനവുമായി മുൻ വൈസ് ചെയർമാൻ റ്റി എസ് മിനി. യൂണിവേഴ്സിറ്റി കോളജ് എന്താ പാർട്ടി ഗ്രാമമാണോയെന്ന് മിനി ഫേസ്ബുക്കിലൂടെ ചോദിക്കുന്നു. പരിപാവനമായ ഈ കലാലയത്തെ ഇങ്ങനെ നശിപ്പിക്കാൻ നിങ്ങൾക്ക് നാണമില്ലേയേന്നും കമ്മ്യൂണിസ്റ്റ് പാർട്ടി കേരളത്തിൽ മാത്രമായി ഒതുങ്ങി കൂടിയിട്ടും പഠിച്ചില്ലേയെന്നും മിനി ചോദിക്കുന്നു. കുട്ടികൾ അവർക്കിഷ്ടമുള്ള പാർട്ടിയിൽ പ്രവർത്തിക്കട്ടെയെന്നും അതിനനുവദിക്കൂവെന്നും പറയുന്ന മിനി, വീട്ടിനും നാട്ടിനും വേണ്ടാത്ത ഗുണ്ടകളെ കോളജിൽ നിന്നും തുരത്താൻ വേണ്ട നടപടിയെടുക്കണമെന്നും സർക്കാരിനോട് ആവശ്യപ്പെടുന്നു.