പന്തിൽ കൃത്രിമം കാട്ടി; വിൻഡീസ് താരം പുരാന് സസ്പെൻഷൻ

നവംബർ 11ന് നടന്ന മൂന്നാം ഏകദിനത്തിനിടെ പുരാൻ പെരുവിരലിന്റെ നഖമുപയോഗിച്ച് പന്തിൽ ചുരണ്ടുന്നതിന്റെ വിഡിയോ വ്യാപകമായി പ്രചരിച്ചിരുന്നു. ഇതിനു പിന്നാലെയാണ് താരത്തെ സസ്പെൻഡ് ചെയ്തുകൊണ്ടുള്ള ഐസിസിയുടെ തീരുമാനം എത്തിയത്.

‘വിൻഡീസ് ടീമിലെ എന്റെ സഹതാരങ്ങളോടും ആരാധകരോടും അഫ്ഗാൻ ടീമിനോടും ലക്നൗവിൽ മത്സരത്തിനിടെ സംഭവിച്ച കാര്യങ്ങളിൽ ഞാൻ നിരുപാധികം മാപ്പു ചോദിക്കുന്നു. തെറ്റു സംഭവിച്ചതായി തുറന്നു സമ്മതിക്കുന്നു. ഐസിസി തീരുമാനിച്ച ശിക്ഷയും ഏറ്റുവാങ്ങുന്നു. ലഖ്നൗവിൽ സംഭവിച്ചത് തീർത്തും ഒറ്റപ്പെട്ട സംഭവമാണെന്നും മേലിൽ ഇത്തരം തെറ്റുകൾ ആവർത്തിക്കില്ലെന്നും ഉറപ്പു നൽകുന്നു. ഈ തെറ്റിൽനിന്ന് പാഠം പഠിച്ച് കൂടുതൽ കരുത്തോടെ തിരിച്ചെത്തുമെന്നും വാഗ്ദാനം ചെയ്യുന്നു’ – ഐസിസി വിലക്കിനെക്കുറിച്ച് പുരാൻ പ്രതികരിച്ചു.