Neera Tanden Nominated as Budget Chief | ബൈഡൻ സംഘത്തിൽനിന്ന് വീണ്ടുമൊരു ഇന്ത്യൻ വംശജ; ഉയർന്ന പദവിയിൽ നിയമനം

വാഷിങ്ടൺ: ഇന്ത്യൻ വംശജ നീര ടണ്ടനെ ഉയർന്ന തസ്തികയിൽ നിയമിച്ച് നിയുക്ത അമേരിക്കൻ പ്രസിഡന്‍റ് ജോ ബൈഡൻ. സെന്റർ ഫോർ അമേരിക്കൻ പ്രോഗ്രസ് ചീഫ് എക്‌സിക്യൂട്ടീവ് സ്ഥാനം വഹിച്ചിരുന്ന നീര ടണ്ടനെ ഓഫീസ് ഓഫ് മാനേജ്‌മെന്റ് ആൻഡ് ബജറ്റ് ഡയറക്ടറായാണ് ബൈഡൻ നിയമിച്ചത്. സാമ്പത്തിക ശാസ്ത്രജ്ഞയായ സിസിലിയ റൂസിനെ കൗൺസിൽ ഓഫ് ഇക്കണോമിക് അഡ്വൈസേഴ്‌സിന്റെ ചെയർമാനായും നോമിനേറ്റ് ചെയ്തിട്ടുണ്ട്. സാമ്പത്തിക ഉപദേഷ്ടാക്കളായ ജേർഡ് ബെൻ‌സ്റ്റൈൻ, ഹെതർ ബൌഷെ എന്നിവരെ സാമ്പത്തിക ഉപദേഷ്ടാക്കളുടെ കൗൺസിൽ അംഗങ്ങളായി നാമനിർദ്ദേശം ചെയ്യും.