Nostradamus predictions 2025: ഛിന്നഗ്രഹങ്ങൾ തമ്മിൽ കൂട്ടിയിടി, പ്ലേഗ് പോലുള്ള പകർച്ചവ്യാധികൾ; നോസ്ട്രഡാമസിൻ്റെ 2025 ൻ്റെ പ്രവചനങ്ങൾ
- Published by:ASHLI
- news18-malayalam
Last Updated:
ലോകത്തില്‍ ഇപ്പോള്‍ നടന്നുകൊണ്ടിരിക്കുന്ന ഒരു യുദ്ധം തുടരുമെന്നും എന്നാല്‍ 2025, ഏറെ നാളായി തുടരുന്ന ഒരു സംഘര്‍ഷത്തിന്റെ അവസാനത്തിന് സാക്ഷ്യം വഹിച്ചേക്കാമെന്നും പ്രവചനം
2024 ലെ എണ്ണപ്പെട്ട ദിനങ്ങളിലൂടെയാണ് നാം കടന്നുപോകുന്നത്. തിരിഞ്ഞു നോക്കുമ്പോൾ ഓരോ വ്യക്തിയും ഈ വർഷം കടന്നു പോയത് പല പ്രതിസന്ധികളിലൂടെയാണ്. വ്യക്തിപരമായ പ്രശ്നങ്ങൾക്കൊപ്പം ഉരുൾപൊട്ടൽ, പ്രളയം പലവിധ മഹാമാരികൾ ഇവയെല്ലാം നാം ഈ വർഷം നേരിട്ടു. ഇനി വരാനിരിക്കുന്ന പുതുവർഷത്തെ വലിയ പ്രതീക്ഷയോടെയാണ് നാമെല്ലാവരും വരവേൽക്കാനൊരുങ്ങുന്നത്. ഈ വേളയിൽ സോഷ്യലിടങ്ങളിൽ വീണ്ടും ചർച്ചയാവുകയാണ് ഫ്രഞ്ച് ജ്യോതിഷനും തത്വചിന്തകനുമായ നോസ്ട്രഡാമസിന്റെ ചില പ്രവചനങ്ങൾ.
Michel de Nostredame-ൽ ജനിച്ച നോസ്ട്രഡാമസ്, 1500-കളിൽ ജീവിച്ചിരുന്ന ഒരു ഫ്രഞ്ച് ജ്യോതിഷിയും ഭിഷഗ്വരനുമായിരുന്നു. അഡോൾഫ് ഹിറ്റ്‌ലറുടെ അധികാരത്തിലേക്കുള്ള ഉയർച്ച, സെപ്റ്റംബർ 11 ആക്രമണം, COVID-19 പാൻഡെമിക് തുടങ്ങിയ ആധുനിക കാലഘട്ടത്തിലെ ചില സംഭവങ്ങൾ അദ്ദേഹം പ്രവചിച്ചതായി പറയുന്നു.
1555ല്‍ പുറത്തുവന്ന അദ്ദേഹത്തിന്റെ 'ലെസ് പ്രൊഫറ്റീസ്' എന്ന പുസ്തകത്തിലാണ് വരാനിരിക്കുന്ന വര്‍ഷങ്ങളില്‍ ലോകത്ത് എന്ത് സംഭവിക്കുമെന്ന് പ്രവചിച്ചിരിക്കുന്നത്. 942 പ്രവചനങ്ങളാണ് പുസ്തകത്തിലുള്ളത്. ഇതിൽ പരാമർശിച്ചിരിക്കുന്ന പല കാര്യങ്ങളും ചിലവർഷങ്ങളിൽ സംഭവിച്ചതോടെ നോസ്ട്രഡാമസ് പ്രവചനങ്ങള്‍ ചിലരെങ്കിലും വിശ്വസിക്കുവാനും ആരംഭിച്ചു.
advertisement
അത്തരത്തിൽ 2025 ലേക്കുള്ള അദ്ദേഹത്തിന്റെ പ്രവചനങ്ങളാണ് ഇപ്പോൾ ശ്രദ്ധയാകുന്നത്. വരാനിരിക്കുന്ന വർഷത്തിൽ ഛിന്നഗ്രഹങ്ങളുടെ കൂട്ടയിടി മുതൽ പ്ലേഗ് പോലുള്ള പകർച്ചവ്യാധികൾ ലോകത്തിൽ പൊട്ടിപ്പുറപ്പെടും തുടങ്ങിയ ആശങ്കാജനകമായ പ്രവചനങ്ങളാണ് ഉള്ളത്. ലോകത്തില്‍ ഇപ്പോള്‍ നടന്നുകൊണ്ടിരിക്കുന്ന ഒരു യുദ്ധം തുടരുമെന്നും എന്നാല്‍ 2025, ഏറെ നാളായി തുടരുന്ന ഒരു സംഘര്‍ഷത്തിന്റെ അവസാനത്തിന് സാക്ഷ്യം വഹിച്ചേക്കാമെന്നും പ്രവചനത്തിലുണ്ട്.
നീണ്ട യുദ്ധം കൊണ്ട് സൈനികര്‍ ക്ഷീണിതരാകുമെന്നും യുദ്ധങ്ങള്‍ക്കായി പണം കണ്ടെത്താനാകാതെ വരുമെന്നുമാണ് നോസ്ട്രഡാമസിന്റെ പ്രവചനം. 2025ല്‍ ഇംഗ്ലണ്ടില്‍ അതിമാരകമായ ഒരു മഹാമാരി പടര്‍ന്നുപിടിക്കും. ഭൂമിക്ക് അഭിമുഖമായി ഒരു ഭീമാകാരമായ ഛിന്നഗ്രഹമെത്തുമെന്നും, അവതമ്മിലുള്ള കൂട്ടയിടിക്കുള്ള സാധ്യത എന്നിവയാണ് പ്രധാന പ്രവചനങ്ങൾ.
ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ലോക വാർത്തകൾക്കായി News18 മലയാളത്തിനൊപ്പം വരൂ
Location :
New Delhi,Delhi
First Published :
December 10, 2024 5:20 PM IST
മലയാളം വാർത്തകൾ/ വാർത്ത/World/
Nostradamus predictions 2025: ഛിന്നഗ്രഹങ്ങൾ തമ്മിൽ കൂട്ടിയിടി, പ്ലേഗ് പോലുള്ള പകർച്ചവ്യാധികൾ; നോസ്ട്രഡാമസിൻ്റെ 2025 ൻ്റെ പ്രവചനങ്ങൾ
