SCO Summit 2022 | 'ഇത് യുദ്ധത്തിന്‍റെ സമയമല്ല': പ്രധാനമന്ത്രി നരേന്ദ്ര മോദി, റഷ്യൻ പ്രസിഡന്‍റ് വ്ലാദിമിർ പുടിനോട്

Published by:Anuraj GR
news18-malayalam

Last Updated:Sep 16, 2022 8:58 PM IST

ഇന്ത്യയും റഷ്യയും ദശാബ്ദങ്ങളായി പരസ്പരം ഒരുമിച്ചാണ് നിലകൊള്ളുന്നതെന്നും മോദി പറഞ്ഞു

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

ന്യൂഡൽഹി: ഇപ്പോൾ യുദ്ധത്തിന്‍റെ സമയമല്ലെന്ന് പ്രധാനമന്ത്രി നരേന്ദ്ര മോദി, റഷ്യ പ്രസിഡന്‍റ് വ്ലാഡിമിർ പുടിനോട്. ഷാങ്ഹായ് കോർപറേഷൻ ഓർഗനൈസേഷൻ ഉച്ചകോടിയിൽ പങ്കെടുക്കുമ്പോഴാണ് പ്രധാനമന്ത്രി പറഞ്ഞത്. . 'സമാധാനത്തിന്റെ പാതയിൽ നമുക്ക് എങ്ങനെ മുന്നേറാം എന്നതിനെക്കുറിച്ച് സംസാരിക്കാനുള്ള അവസരമാണിത്. ഇന്ത്യയും റഷ്യയും ദശാബ്ദങ്ങളായി പരസ്പരം ഒരുമിച്ചാണ് നിലകൊള്ളുന്നതെന്നും മോദി പറഞ്ഞു. റഷ്യൻ പ്രസിഡന്‍റ് നരേന്ദ്ര മോദിക്ക് ജന്മദിനാശംസ നേരുകയും ചെയ്തു.

“പ്രസിഡന്റ് പുടിനുമായി നല്ല കൂടിക്കാഴ്ച നടന്നത്. വ്യാപാരം, ഊർജം, പ്രതിരോധം തുടങ്ങിയ മേഖലകളിൽ ഇന്ത്യ-റഷ്യ സഹകരണം തുടരുന്നതിനെക്കുറിച്ച് ചർച്ച ചെയ്യാൻ ഞങ്ങൾക്ക് അവസരം ലഭിച്ചു. മറ്റ് ഉഭയകക്ഷി, ആഗോള വിഷയങ്ങളും ഞങ്ങൾ ചർച്ച ചെയ്തു,” റഷ്യൻ പ്രസിഡന്റ് വ്‌ളാഡിമിർ പുടിനുമായുള്ള കൂടിക്കാഴ്ചയ്ക്ക് ശേഷം പ്രധാനമന്ത്രി നരേന്ദ്ര മോദി പറഞ്ഞു.

“ഞങ്ങൾ തമ്മിലുള്ള വ്യാപാരം വളരുകയാണ്, ഇന്ത്യൻ വിപണികളിലേക്കുള്ള റഷ്യൻ വളങ്ങളുടെ അധിക വിതരണത്തിന് നന്ദി, ഇത് എട്ട് മടങ്ങിലധികം വളർന്നു. ഇത് ഇന്ത്യയുടെ കാർഷിക മേഖലയ്ക്ക് വലിയ സഹായമാകുമെന്ന് ഞാൻ പ്രതീക്ഷിക്കുന്നു"- റഷ്യൻ പ്രസിഡന്റ് വ്‌ളാഡിമിർ പുടിൻ പ്രധാനമന്ത്രി നരേന്ദ്ര മോദിയോട് പറഞ്ഞു,

പ്രധാനമന്ത്രി നരേന്ദ്ര മോദി ഉസ്‌ബെക്കിസ്ഥാൻ പ്രസിഡന്റ് ഷവ്കത് മിർസിയോയെവിനെ സമർഖണ്ഡിൽ സന്ദർശിച്ച് എസ്‌സിഒ അധ്യക്ഷസ്ഥാനത്തിന്റെ വിജയത്തിൽ അഭിനന്ദിച്ചു. ഇരു രാജ്യങ്ങളും തമ്മിലുള്ള സാമ്പത്തിക സഹകരണത്തിലും ബന്ധത്തിലും ചർച്ചകൾ ഊന്നൽ നൽകിയതായി എംഇഎ വക്താവ് അരിന്ദം ബാഗ്ചി പറഞ്ഞു.

എട്ട് അംഗ ഷാങ്ഹായ് കോ-ഓപ്പറേഷൻ ഓർഗനൈസേഷന്റെ (എസ്‌സി‌ഒ) റൊട്ടേറ്റിംഗ് പ്രസിഡന്റ് സ്ഥാനം ഉസ്‌ബെക്കിസ്ഥാൻ ഇന്ത്യക്ക് കൈമാറി. പ്രധാനമന്ത്രി നരേന്ദ്ര മോദി പങ്കെടുത്ത സമർഖണ്ഡിൽ നടന്ന 22-ാമത് എസ്‌സിഒ ഉച്ചകോടിയിൽ ഉസ്‌ബെക്ക് പ്രസിഡന്റ് ഷവ്കത് മിർസിയോവ് അധ്യക്ഷത വഹിച്ചു. "2023-ൽ ഓർഗനൈസേഷന്റെ ചെയർമാനെന്ന നിലയിൽ അടുത്ത SCO ഉച്ചകോടിക്ക് ഇന്ത്യ ആതിഥേയത്വം വഹിക്കും. ഈ ഉത്തരവാദിത്ത ദൗത്യം നടപ്പിലാക്കുന്നതിൽ ഞങ്ങളുടെ തന്ത്രപരമായ പങ്കാളിയായ ഇന്ത്യയെ സഹായിക്കാൻ ഞങ്ങൾ പരമാവധി ശ്രമിക്കും," ഉസ്‌ബെക്ക് വിദേശകാര്യ മന്ത്രി വ്‌ളാഡിമിർ നൊറോവ് പറഞ്ഞു.