'ഇതിലേതാ നിങ്ങൾക്ക് ഇഷ്ടമായത്'; മിറർ സെൽഫി പങ്കുവെച്ച് രചനാ നാരായണൻകുട്ടി

1 നടിയായും അവതാരകയായും നർത്തകിയായും മലയാളികളുടെ പ്രിയങ്കരിയായി മാറിയ താരമാണ് രചന നാരായണന്‍കുട്ടി. തൃശൂര്‍ ദേവമാത സ്‌കൂളിലെ കമ്യൂണിക്കേറ്റീവ് ഇംഗ്ലിഷ് ടീച്ചറായിരുന്ന രചന റേഡിയോ ജോക്കിയായും പ്രവര്‍ത്തിച്ചിട്ടുണ്ട്. ജയറാമിനൊപ്പമുളള ' ലക്കിസ്റ്റാര്‍' ആണ് താരത്തിന്റെ ആദ്യ സിനിമ. തുടര്‍ന്ന് നിരധി ചിത്രങ്ങളില്‍ ചെറുതും വലുതുമായ കഥാപാത്രങ്ങളെ രചന അവതരിപ്പിച്ചു. താരസംഘടനയായ അമ്മയിലും സജീവമാണ് നടി.

ഇൻസ്റ്റാഗ്രാമിലും ഫേസ്ബുക്കിലും രചന പങ്കുവച്ച പുതിയ ചിത്രങ്ങളാണ് ആരാധകരെ ഞെട്ടിച്ചിരിക്കുന്നത്. മിറർ സെൽഫികളാണ് രചന പോസ്റ്റ് ചെയ്തത്.

ഷോർട്സ് ധരിച്ചുള്ള ഫോട്ടോകളാണ് രചന പോസ്റ്റ് ചെയ്തത്. നാടൻ വേഷങ്ങളിൽ മാത്രം കണ്ടിട്ടുള്ള രചനയുടെ ഇങ്ങനെയൊരു ഗെറ്റപ്പ് അധികം ആരും കണ്ടിട്ടില്ല. നിങ്ങൾ ഇതിൽ ഏത് ഫോട്ടോയാണ് ഇഷ്ടപെട്ടതെന്നും രചന ആരാധകരോട് പോസ്റ്റിലൂടെ ചോദിച്ചിട്ടുമുണ്ട്.

'ഇതിൽ അഞ്ചാമത്തെയും അവസാനത്തെയും ചിത്രങ്ങളാണ് എനിക്ക് ഇഷ്ടപ്പെട്ടത്!!! നിങ്ങൾക്ക് ഇഷ്ടപ്പെട്ടത് ഏതാണ്?'- ചിത്രങ്ങൾ പങ്കുവെച്ചുകൊണ്ട് രചന ചോദിച്ചു

പലപ്പോഴും നാടന്‍ ലുക്കിലാണ് താരം പ്രത്യക്ഷപ്പെടാറുള്ളത്. വളരെ വിരളമായി മാത്രം അതും യാത്രകൾ, പാർട്ടികൾ പോലുള്ളവയിൽ പങ്കെടുക്കേണ്ട സാഹചര്യം വരുമ്പോൾ‌ മാത്രമാണ് ആരാധകർ രചനയെ മോഡേൺ വേഷങ്ങളിൽ കാണാറുള്ളത്. പുത്തന്‍ മാറ്റങ്ങളുമായെത്തിയ രചനയുടെ ചിത്രങ്ങൾ ഇതിനോടകം സമൂഹ മാധ്യമങ്ങളിൽ വൈറലായി.

അടുത്തിടെ താരം തന്റെ നാൽപ്പതാം പിറന്നാൾ സിനിമാ സുഹൃത്തുക്കൾക്കൊപ്പം ആഘോഷമാക്കിയിരുന്നു. രചന നാരായണൻകുട്ടിയുടെ ജന്മദിനം കളറാക്കിയത് മോഹൻലാലും കൂട്ടരും ചേർന്നായിരുന്നു. ഇത്രയേറെ താരങ്ങൾ പങ്കെടുത്ത ഒരു പിറന്നാൾ ആഘോഷം എന്തായാലും അടുത്തിടെ മലയാള സിനിമയിൽ ഉണ്ടായിട്ടില്ല എന്ന കാര്യം ഉറപ്പാണ്.

കേക്ക് മുറിച്ചാണ് രചനയുടെ ജന്മദിനം കെങ്കേമം ആയത്. ഇനി യുവതിയെന്ന് ഔദ്യോഗികമായി വിളിക്കപ്പെടാൻ തനിക്കധികം നാളുകളില്ലെന്ന് രചന മുമ്പൊരു പോസ്റ്റിൽ പറഞ്ഞിരുന്നു. ഇടവേള ബാബു, സിദ്ദിഖ്, ശ്വേതാ മേനോൻ, ബാബുരാജ്, സുധീർ കരമന തുടങ്ങിയവർ പിറന്നാൾ വേളയിൽ സന്നിഹിതരായിരുന്നു.

ദുബായിൽ പോയപ്പോൾ ഹോട്ടൽ റൂമിൽ നിന്നും പകർത്തിയ ചിത്രങ്ങളാണ്. പിങ്ക് നിറത്തിലുള്ള സ്ലീവ് ലെസ് ബെനിയനും പിങ്കും ​ഗ്രേയും കലർന്ന ഷോട്സുമാണ് രചന ധരിച്ചിരുന്നത്. സെൽഫികളിൽ ഏതാണ് ഇഷ്ടപ്പെട്ടതെന്ന് കമന്റ് ചെയ്യാനും ആരാധകരോട് രചന ആവശ്യപ്പെട്ടി​ട്ടുണ്ട്