കണ്ടുപഠിക്കാവുന്നതാണ്; വിദേശ യാത്രയില്ല, ആഡംബരമില്ല; ഉത്തരാ ശരത്തിന് ആദ്യ വിവാഹവാർഷികത്തിൽ സർപ്രൈസ് ഒരുക്കി ഭർത്താവ്

താരങ്ങൾ പലയിടങ്ങളിൽ നിന്നും പറന്നിറങ്ങിയ ആ വിവാഹവേദിയും അവിടെ നിറഞ്ഞു നിന്ന ആഘോഷങ്ങളും സന്തോഷവും ആരും മറക്കാനിടയില്ല. നടി ആശ ശരത്തിന്റെ മൂത്തമകൾ ഉത്തര ശരത്തിന്റെ (Uthara Sharath) വിവാഹം മലയാള സിനിമ അതുവരെ കണ്ട താരവിവാഹങ്ങളിൽ ഓർക്കപ്പെടാവുന്ന ഒന്നായിരുന്നു. ആദിത്യ മേനോനാണ് ഉത്തരയുടെ ഭർത്താവ്. വർഷം ഒന്ന് കഴിഞ്ഞിരിക്കുന്നു. ഒന്നാം വിവാഹവാർഷികം ഭംഗിയായി ആഘോഷിച്ചു കഴിഞ്ഞു ഉത്തരയും ഭർത്താവും

ദുബായിയിൽ വളർന്നു വന്ന ഉത്തര വിവാഹശേഷം പോയത് മുംബൈയിലേക്കാണ്. ഇപ്പോൾ തനിക്ക് ദുബായ് അമ്മയും ബോംബെ അമ്മയും ഉണ്ടെന്നായിരുന്നു വിവാഹശേഷം ഉത്തര പറഞ്ഞ വാക്കുകൾ. മകളുടെ സ്ഥാനത്തേക്ക് മരുമകളെ കിട്ടിയ സന്തോഷത്തിലായിരുന്നു ആദിത്യയുടെ കുടുംബം. എന്നാൽ ആഡംബരം കൊണ്ട് അമ്മാനമാടുന്ന വാർഷികാഘോഷങ്ങൾക്ക് പിന്നാലെ പോകാൻ ഉത്തരയും ഭർത്താവും തയാറല്ല (തുടർന്ന് വായിക്കുക)

വാർഷിക ദിനത്തിൽ ഒരു സർപ്രൈസ് കൊടുക്കണം എന്ന് ഏതൊരു ഭർത്താവിനെയും പോലെ ആദിത്യയും ആഗ്രഹിച്ചു. പിന്നെ ആദ്യം പോയി ട്രൈപോഡ് സെറ്റ് ചെയ്തു. അതിന്റെ മുന്നിൽ നിന്നും ആമുഖം കൊടുത്ത ശേഷം നേരെ ഒരുക്കങ്ങളിലേക്ക്

ബലൂണുകളും സ്റ്റാറുകളും കൊണ്ട് മുറി അലങ്കരിച്ചത് ആദിത്യയാണ്. മേശപ്പുറത്തു ക്രിസ്തുമസ് ട്രീ രൂപത്തിൽ മറ്റൊരു അലങ്കാരവും. എല്ലാം തനിയെ തന്നെ ചെയ്യണം എന്ന് ആദിത്യക്ക് നിർബന്ധം. ശേഷം ഈ കാഴ്ച കാണാൻ ഉത്തരയെ ക്ഷണിച്ചു

പിന്നെ ഒരു ചെറിയ വിവാഹ സമ്മാനം കൂടി. അത് ആദിത്യ ഉത്തരയുടെ കാതുകളിൽ അണിയിച്ചു കൊടുത്തു. ഒരുജോഡി കമ്മലുകളാണ് ഉത്തരയ്ക്ക് ആദിത്യ വിവാഹസമ്മാനമായി നൽകിയത്

ഉത്തരയും കീർത്തനയുമാണ് ആശ ശരത്തിന്റെ മക്കൾ. അമ്മയെ പോലെ ഉത്തര ഒരു നർത്തകി കൂടിയാണ്. വിവാഹ ശേഷം ആശ ശരത്തും ഭർത്താവും വിദേശത്തായിരുന്നു മക്കൾക്കൊപ്പം താമസം

ആശ ശരത്തിനൊപ്പം ഉത്തര ഒരു സിനിമയിൽ അഭിനയിച്ചിരുന്നു. തുടർന്ന് അഭിനയിച്ചില്ലെങ്കിലും, നൃത്തവുമായി ഉത്തര സജീവമായി നിന്നു. വിവാഹ ശേഷം ഉത്തരയുടെ നൃത്ത പരിപാടി കാണാൻ ആദിത്യയും കുടുംബവും എത്തിയിരുന്നു

വിവാഹശേഷം ഗൃഹപ്രവേശം നടത്തുന്ന ഉത്തരയും ആദിത്യ മേനോനും